MANILA - Kulbahinam ang mga eksena karon sa “The Good Son” ug daghan ang curious kung kinsa ang killer ni Victor (Albert Martinez). Suspect sila si Joseph (Joshua Garcia), Obet (McCoy De Leon), Calvin (Nash Aguas), ug Enzo (Jerome Ponce). Sa Biyernes mahibaw-an na kung kinsa ang killer sa naghinapos nga teleserye.
Sa tinuod lang, clueless pa ang upat kung kinsa ang killer tungod kay wala pa sila mag-taping sa maong episode. Niadtong Lunes, giimbitar ang mga Bluggers (naapil ako as Blugger) sa taping sa The Good Son nga gipahigayon sa Tvoli Royal Subdivision ug matod pa ni Jerome Ponce, sa tan-aw niya, siya or si Nash Aguas (Calvin) ang killer. “Kung hindi man ako, siguro si Calvin (Nash) kasi baliw yun eh,” matod ni Jerome.
Samtang nag-init na ang tsikahan namo kang Jerome, gipalingkod si Loisa Andalio ug may kaugalingong version si Loisa sa among topic. “Siguro, wala sa inyong apat ang killer, siguro iba ang killer kasi di ba, mga good sons nga kayo,” pag-analyze pa ni Loisa. Way reaksyon si Jerome tungod kay nagtuo jud siya nga usa sa managsoon ang kriminal.
Anyway, you can watch the said interview in my YouTube channel, Timmy Basil. Sa pikas lamesa, gitapuk-an sad og mga bluggers si Joshua Garcia ug gipangutana siya og unsang eksena ang dili niya makalimtan sa The Good Son. “Yung sa dagat , kami ni Nash Aguas. Nasugatan ako (ug gipakita pa ni Joshua ang iyang peklat sa kamot).
Aduna pa akoy nahibaw-an. Magtatapos na ang teleserye pero never pang nag-uusap sila si Joshua Garcia ug Loisa Andalio nga super pretty in person bisan ug way make-up. Bataot pa sad bisan manulti.
Ngano? Tungod kay gi-partner na sila kanhi pero wa magdugay hangtod sa gi-partner si Loisa kang Ronnie Alonte samtang si Joshua naman, gi-partner kang Julia Barretto.
Present sad si Nash Aguas ug businessman na diay karon si Nash. So duha na ang iyang source of income, ang pag-artista ug ang iyang mga negosyo. “Ipon-ipon muna ako ngayon,” matod ni Nash.
Didto sad sila si Elisse Joson ug Alexa Ilacad nga parte sad sa nahisgutang teleserye.
Silang tanan nakasuot ug puting t-shirt nga may nakasuwat, “Guilty Or Not Guilty.” So, ayaw ninyo pakyasa ang pagsunod sa The Good Son.