Kompaniya motuon sa baha sa Metro Cebu

ADUNA na’y napili ang Department of Public Works and Highways nga consulting firm nga mobuhat sa pakikususi sa pagsulbad sa problema sa baha sa Metro Cebu.

Ang Manila-based nga consulting firm nga Woodfields Consultant Inc. mao ang nakadaog sa bidding alang sa metrowide flood and drainage master plan sa Sugbo.

Matod sa executive director sa Eduar­do Aboitiz Dev’t Studies Center ug Research Project and Organization Dev’t head sa Metro Cebu Dev’t Coordinating Board nga si Evelyn Castro nga mamahimo nga mohatag na og proposal ang maong firm alang sa pag-implementar dayon sa proyekto.

Dugang niya nga di na kinahanglan pa nga mohuwat ang consulting firm nga mahuman ang pagtuon aron makahimo og proposal.

Kini nagpasabot nga mahimo na silang ma­kaendorso og plano alang sa proyekto sa drainage aron usab masugdan na ang trabaho niini.

Aduna usay mabuhat ang local government units karon aron usab sa pagpakgang sa problema sa baha nga giatubang sa publiko karon.

Matod ni Castro nga ang pag-implementar sa easement zone sa matag riverbanks, pagpanglimpyo sa sapa, ang pagpabalhin sa mga illegal settler duol sa sapa ug ang pagsiguro nga limpyo ang nagdaguydoy nga tubig sa kasapaan.

Dugang niya nga gamiton usab sa consulting firm ang mga master plan sa 13 ka mga LGU nga sakop sa Mega Cebu o sa maong programa.

Lakip sa 13 ka mga siyudad ug lungsod ang Cebu City, Mandaue, Lapu-Lapu, Talisay, Danao, Naga, Carcar ug mga lungsod sa Cordova, Compostela, Liloan, Consolacion, Minglanilla ug San Fernando.

Nipasabot usab si Cas­t­ro nga ang drainage master plan alang sa kasamtangan nga gi­atu­bang sa publiko ug sa umaabot pa dinhi sa Mega Cebu.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph