Kontra ni Viloria di mokompiyansa

TATAW man tuod nga underdog si Brian “The Hawaiian Punch” Viloria sa umaabot niyang dakong tahas apan miangkon ang kampo sa iyang kontra nga dili sila mokompiyansa.

Ang trainer ni Nicaraguan champion Roman “Chocolatito” Gonzalez nagkanayon nga lisod kini nga away alang sa ilang batos.

Si Gonzalez modepensa sa iyang World Boxing Council (WBC) ug The Ring flyweight titles batok kang Viloria karong Oktubre 17 sa Madison Square Garden sa New York.

u201cIt’s a difficult fight,” matod sa trainer ni Gonzalez nga si Arnulfo Obando sa interbyu sa www.boxingscene.com

u201cAlthough a lot of people are talking about the age of Viloria, we cannot forget that he’s a very dangerous man who is experienced, hits hard, and has excellent combinations.”

Gikan sa iyang split decision nga kapildihan batok kang Mexican Juan Francisco Estrada niadtong Abril, 2013, ang 34 anyos nga si Viloria miposte og upat ka sunodsunod nga impresibong kadaugan.

Ang labing ulahi mao ang 1st round knockout nga kadaugan batok kang Omar Soto niadtong Hulyo.

u201cHe will be coming to fight,” matod ni Obando kabahin kang Viloria. “I do not think Viloria will run, because he is under pressure to live a good image to HBO.”

Giklaro ni Obando nga ilang bantayan og maayo mao ang wala nga kumo sa Fil-Am nga boksidor.

Alang kang Obando, si Viloria mao ang labing kuyaw nga makontra ni Gonzalez.

Si Viloria naggunit og 36-4, 22KOs nga rekord samtang si Gonzalez adunay 43-0, 37KOs nga rekord.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph