'Kusina ng Bayan' sa CSSDO giandam alang sa kalamidad

ANDAM na nga magamit ang duha ka mga mobile kitchen kun “Kusina ng Bayan” sa Davao City Social Services and Developement Office (CSSDO) human kini gi-launch atol sa Flag Raising ceremony sa lokal nga kagamhanan sa Davao City niadtong Lunes, Septembre 25.

Duha ka mga mobile kitchen nga mokantidad sa tag P2.6 milyones ang gipakita sa publiko ug mismong si Davao City Mayor Sara Duterte-Carpio ang nagluto sa hot meal nga gipatilaw sa unang 100 ka mga tawo gawas sa City Hall.

Sumala ni CSSDO head Ma. Luisa Bermudo nga ideya kini sa mayor aron dali ra nga marespondehan ug mahatagan dayon og pagkaon ang mga biktima sa kalamidad ug sa bisan unsang emerhensiya.

"Ang objectives gyud niini nga during or after the disaster we’ll be able to provide hot meals or ready-to-eat foods," sulti ni Bermudo.

Giingon sab sa opisyal nga mga batid na nga mga social workers ang naglangkob sa Kusina ng Bayan.

"Ready ang atong duha ka mobile kitchen og mga food items ug well-trained ang atong mga social workers nga naka-assign niini," dugang ni Bermudo.

Kung daghan ang biktima sa usa ka emerhensiya ug kalamidad nga di na makaya sa mobile kitchen, andam sab ang CSSDO sa pagkoordinar sa mga Barangay Nutrition Scholar aron maoy makatabang sa pagpahaluna sa pagkaon uban sa Barangay Disaster Council.

"Eventually, mag-community-based-cooking sab ta, kay naa man say atong Barangay Disaster Council to provide also food to the victims," sulti sa opisyal. (JPC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph