LAING spotter sa pagbanhis-patay kang Ronda Vice Mayor Jonnah John Ungab human gitug-an ni konsehal Dave Tumulak ug sa Homicide section sa Cebu City Police Office (CCPO) nga usa karon nga subayon sa Task Force Ungab.
Atol sa pagbisita sa buhatan sa Homicide section sa CCPO ni Konsehal Dave Tumulak, Deputy Mayor for police matters, aron makisayod unsa nay dagan sa imbestigasyon sa kamatayon ni Atty. Ungab.
Matod sa konsehal nga nasagmuyo siya sa siguridad nga gipatuman sa mga security personnel sa Qimonda it center sanglit dili lang usa ang spotter sa krimen ang nakasulod kung dili duha kini ka personalidad.
Dugang pa niya nga malampuson nga nakasulod sa branch 22 sa Regional Trial Court ang laing spotter nga wala rekisaha sa mga gwardya nga nagbantay sa entrance nga bahin sa building.
Matod sa konsehal nga kung mosulod sa Qimonda igo ra nga pangayoan ug ID ang usa ka tawo ug dili gani isuwat sa logbook ang pangan niini.
Gihulagway niya ang maong video nga ang gituohan nga spotter makita nga nangutana pa kini sa iyang tapad kung ang naa sa atubangan sa court room mao ba si manlalaban Ungab.
“Bisan ako mo sulod ko sa Qimonda dili man gani ko pangayoan ug ID nya kung naa man gani mga ID igo lang siyang pangayoan og ID dayon tagaan ug number inig gawas pangitaon ang number ihatag ang ID walay proper recording ba, kay katong persons of interest there where two kang Atty. Ungab nya ang usa nakasulod gyud sa sala sa branch 22 ang ika duhang spotter nga nakita sa cellphone video sa asawa ni atty. Ungab,” matod Tumulak.
Tungod niini, miapilar karon si Tumulak sa mga barangay officials sa syudad sa Sugbo nga moabag sa pag -monitor sa dagway aning duha ka spotter nga mo report dayon sa kapulisan kung adunay mamatikdan sa ilang tagsa-tagsa ka barangay.
Si Sr. Insp. Jonathan Taneo ang information officer sa task force Ungab nagkanayon nga ila karon nga gisusi kining laing spotter nga nakuhaan ug video sa sulod sa korte nga nagsunodsunod kang attorney Ungab sa wala pa kini banhigi sa gawas sa korte.
Iyang giangkon nga ang asawa sa manlalaban nga si Pearl Ungab nakakita na sa maong video nga ila pang gipaklaro pagayo aron mailhan. (AYB)