Lapu gibayra’g P101 M sa MCIAA

MOKABAT sa P101.1 milyones ang gibayad sa Mactan Cebu International Airport Authority (MCIAA) ngadto sa kagamhanan sa dakbayan sa Lapu-Lapu sa ilang business tax nga kabahin sa ilang utang sukad niadtong 1995-2014.

u201cIt is our obligation to the city,” tipik sa pamahayag sa MCIAA property division manager Alvaro Derramas sa dihang nahinabi sa mga tigbalita.

Gidawat kagahapon ni City Treasurer Elenita Catagcatag ang tseke gikan sa representante sa maong tugpahanan nga magsilbi nilang ikaduhang bayad sa ilang business tax nga adunay kinatibuk-ang kantidad nga P309.3 milyones gikan niadtong tuig 1998 ngadto na sa 2015.

Samtang gipahibawo ni Catagcatag nga aduna pay laing utang ang MCIAA sa dakbayan nga mao ang real property tax nga moabot sa P1.3 bilyones.

Mihatag na usab sa ilang pasiunang bayad ang MCIAA sa maong buhisan nga moabot sa kapin P200 milyones niadtong miaging tuig.

Gihangop ni Mayor Paz Radaza ang gihimo sa management sa MCIAA nga mitultol sa pagbayad sa ilang obligasyon sa buhisan diin ang maong kantidad mapahimuslan sa Oponganon.

Matod pa sa opisyal nga adunay pahat ang Special Education Fund (SEF) sa maong pundo nga maoy kuhaan sa pagpatukod og mga lawak saringan sa nagkadaiyang publikong tunghaan ug ang nahibiling pundo ibutang sa general fund nga magamit alang sa nagkalain-laing proyekto sa Lapu-Lapu.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph