Lariosa: ConAss o ConCon
DAGHAN ang mingsupak karon sa ConAss kun Constitutional Assembly nga maoy mousab sa 1987 Constitution kay adunay “conflict of interest o panagsumpaki sa interes o gusto.
Sa Constitutional Assembly ang mga sakop sa kongreso sama sa mga kongresista ug senador maoy tahasan sa pag-usab sa constitution o batakang balaod sa nasod.
Usa sa mga klaro nga sumpaki sa interes ang anti- dynasty rule nga gisaad sa 1987 konstitusyon nga hangtod karon wa gyud malihok nipilit sa papel kay way enabling law sa pagpatuman.
Unsaon mangatuhog ugmangaigo man sila. Suma sa nahibaw-an, kapin sa 80% sa mga piniling opisyal sa lungsod ug probinsiya suod nila nga kaliwat----amahan, inahan, igsuon, uyoan, ig-agaw ug asawa.
Nia dinhi ang kahugawan. Labing seguro, ilang usbon o kaha aron di mahalata pangitaag paagi nga mahumok ang igo o impak ngadto kanila sa maong gimbut-an sa 1987 constitution.
Kini mao ang dakong political issue. Sa economic issues, dunay problema kay kargado nila mga suod ug padrino sa mga multi-national capitalists ug foreign investors. Kon molihok sila pabor gyud nila.
Sa mga social issues, pila kanila ang mga tag-iya ug stock holder sa mga pribadong ospital o mga dagkong klinika. Andam ba sila sa pagsakripisyo alang sa libreng pangalagad sa mga kabos nga isuwat sa batakang balaod.
Samtang sa Constitutional Convention (ConCon) pilionang mga delegado nga maoy tahasan sa pag-usab sa batakang balaod. Nga klaro nga way conflict of interest.
Apan ingon sa w a na tay lutsanan kay ConAss na gyud an ang mousab sa atong constitution aron molusot gyud ang Federalismo sa pangagamhanan nga gisaad ni Duterte.
Ang mahimo sa katawhan mao na lang gyud ang pagpakabana, isog nga moapil sa diskusiyon ug lantugi sa mga issues nga may kalabutan sa kausaban sa atong batakang balaod.