TSIRMAN sa Anakpawis party-list nga nagbase sa siyudad sa Mati ug kinsa kanhi nagsilbi isip Squad Medic sa New People's Army (NPA) unit gihangop sa Armed Forces of the Philippines (AFP) human siya boluntaryong mitahan niadtong Enero 27 ngadto sa kasundalohan.
Sa pahayag, si 10th Infantry Division (ID) Division Public Affairs Office (DPAO) chief Captain Jerry Lamosao nag-ila sa mitahan nga si Gemma Burgos Quiroga, nailhan sab isip alyas Mea, 35, minyo ug tsirman sa Anakpawis Mati City Chapter.
Siya mitahan niadtong Dominggo sa hapon ngadto sa 28th Infantry Battalion (IB) sa 10ID ubos ni Lieutenant Colonel Ramon P. Zagala didto sa Barangay Dawan, Mati City, nga giabagan sa kagawad sa Barangay Calapagan, Lupon sa Davao Oriental (DOR).
Si Quiroga molupyo sa Barangay Calapagan, Lupon. Atol sa iyang pagtahan, iyang gibitbit uban kaniya ang mga medical paraphernalia ug mga subersibong mga dokumento ngadto sa 28th IB.
"After the initial interview, Gemma revealed that before she was designated in her present position as chairwoman of Anakpawis in Mati Chapter, she was a Squad Medic of Secom 18, SRC2, SMRC of CPP-NPA terrorist (CNT) group in 2012," matud ni Lamosao.
Si Quiroga mihukom nga motahan sa tinguha nga iyang makauban ang iyang pamilya og balik layo sa armadong kalihukan.
"Gemma voluntarily joined the armed group due to her personal grudges to her family as well as her neighbors but it just get worsen on the process. She decided to surrender in order to live a peaceful and normal life together with her family," tin-aw pa niya.
Human siya misurender, gitunol siya ngadto sa Lupon Municipal Police Station aron nga opisyal nga matala ang iyang pagtahan ug unya gidala ngadto sa Lupon health Center aron nga ipailawom og medical examination.
Sa kasamtangan, mipailawom siya og dugang pagsukit-sukit didto sa headquarters sa 28th IB.
Si Major General Noel S Clement, 10ID commander, nagsulti nga kini nga katikaran gikan sa walhong kalihukan maoy resulta sa ilang walay puas nga "counter-insurgency operation" aron nga pulpogon ang teroristang grupo subay sa mando ni Presidente Rodrigo Duterte ug pagpalig-on sa ilang kaamgohan ug community support program.
Subli niyang gisulti ang panawagan sa kagamhanan alang niadto pang nahabilin nga mga NPA sa kabukiran nga biyaan na ang kalihukan ug makighiusa og balik sa katilingban kay ang nasudnong kagamhanan dunay mga programa nga ihanyag alang kanila.
"With our forces advance to neutralize CPP-NPA terrorists, our campaign for peace prevails especially that a top leader of Anakpawis and also occupy a significant position in CNT surrendered. With this, we continue to accept surrenderers and remain steadfast in protecting the people from enemy's deception and atrocities," tin-aw ni Clement.
Samtang ang kagamhanan nakagamot na kabukiran, mibahad si Clement nga makighiusa uban sa lain pang stakeholders aron nga masustiner ang mga programa nga kasamtangan nga gipatuman.
"10ID, together with the local government units and all stakeholders, will continue securing the communities against terrorist threat in the countryside to expand our gains and allow unhampered delivery of basic services by concern government agencies to the people in our area of responsibility," dugang pa ni Clement.