MGA DAbawenyos, batan-on man o hamtong nakasianti sa one of a kind nga hapon human masaksihan ang world-class ballet performers sa nasud sa usa ka show nila dinhi bag-uhay lamang.
Sa nakalabay nga Nobyembre 7, gatusan ka mga dumuduong ang midagsa aron lantawon ang extraordinary ug artistic dance showcase pinaagi sa Ballet & Ballads uban ang Ballet Manila ug RnB singer Luke Mejares.
Alas singko pa lamang sa hapon dagsa na ang mga excited audience sa activity center sa Abreeza Mall.
Napuno sa palakpakan ang venue sa matag makalingaw and breath-taking stunts sa mga mananayaw samtang nagsayaw sila sa mga Pinoy ballads and classic hits sama sa Katawan sa Hagibis, Dalagang Pilipina, Waray-waray ug daghan pa.
Di gyud matuis ang kahawod sa Ballet Manila team hilabi na nga si Ms. Lisa Macuja-Elizalde ang ilang founder and Artistic Director.
Si Lisa mihatag na og daghang dungog sa nasud.
Niadtong 1984, si Lisa ang labing una nga Filipina prima ballerina, ug unang foreign soloist nga nakaapil sa Kirov Ballet.
Samtang sa pikas bahin, daghan sab ang nalingaw sa performance ni Luke nga kanhi front man sa Southborder.
Way paglubad ang mga birit niini diin giharana niya ang mga Dabawenyo sa mga tagus kasing-kasing niyang awit.
Finale sa Ballet & Ballads ang hugyaw nga performance sa tanang cast sa Ballet Manila samtang nagsayaw sa Uptown Funk ni Mark Ronson featuring Bruno Mars, while si Luke ang nagkanta.
Human sa usa ka oras nga performance nahatagan og higayon ang audience nga makapa-picture sa mga performers.
Ang Ballet & Ballads gipresenta sa 90.7 Love Radio, 105.1 Easy Rock, Manila Broadcasting Company (MBC) ug Abreeza Malls.
Big thanks Sir Wilson Etrata sa mga hulagway nga imong gipaambit.