ANG taga-Calinan nga si Shelah Faye Juntilla ang gikoronahang Mutya ng Davao 2018 sa koronasyon nga gihimo sa RMC Filoil Flying V Event Center (formerly the RMC Gym), Marso 15, sa alas kwatro sa hapon.
Ang tubag sa dalaga sa question and answer portion ang mipa-wow sa mga hurado ug napili siya big winner.
Gipangutana siya nga: "As an empowered woman of Davao City, what can you do to prove that our slogan, Davao life is here, is indeed true?"
Sigun sa bag-ong Mutya ng Davao, nga mapatud-an niyang 'life is here' sa Davao City pinaagi sa pag-impluwensiya sa mga bisita nga moanhi sa dakbayan.
"Davao City is a very comfortable place. It is safe. It has peace and harmony. We can see this through the Dabawenyos and I am a Dabawenya. As an empowered woman, I believe that I can show this through my actions towards our tourist, as an ambassadress of Davao," dugang pahayag sa dalaga nga miani og bonggang palakpakan gikan sa mga audience.
Ubang winners mao sila Diwa Ng Dabaw - Cindy Benedicto; Sinag Ng Dabaw - Pamela Framil; Pag-Asa Ng Dabaw -Claudine Alyssandra Verga ug Patnubay Ng Dabaw - Mary Rose Vicente.
Mga hurado sa kompetisyon gilangkuban nila Arturo Milan, presidente sa Davao City Chamber of Commerce and Industry, Inc. (DCCCII); Joan Mae Soco, Bantayan, Mutya ng Davao 2003; Beethoven Sur, Corporate Affairs Manager sa Phoenix Petrolium Philippines; Michael Dakudao, Architect & Lifestyle Writer; Atty. Roentegen Bronce, Q&A Trainer Aces and Queens; Lea May Luna, General Manager sa Mamay Inn & Resorts Inc.; Gabby Concepcion, Filipino Actor; Jose Julio, Director sa Development Bank of the Philippines-Data Center Incorporated ug Atty. Salvador Panelo, Chief Presidential Legal Counsel.