WAY report nga nadawat ang Control Tower sa tugpahanan sa Mactan kalabot sa nag-trending sa social media nga taho kabahin sa sightings sa usa ka unidentified flying object (UFO).
Si Alain Tapusoc, duty supervisor sa Mactan Control Towe sa Mactan-Cebu International Airport nipasabot nga ang ilang buhatan maoy moabiso pinaagi sa paghatag og pagtugot sa mga abyon nga mobiya o motugpa sa runway.
Sa higayon nga adunay mamatikdan nga naglupad-lupad sa kawangan ang radar control, mopahibawo ngadto sa control tower kon aduna bay nagsingabot o milupad nga abyon aron magtukma ang ilang inpormasyon base sa nasigpatan diha sa radar.
“So far wa mi report anang unidentified flying object,” nahimuot nga pamahayag ni Tapusoc sa Superbalita Cebu.
Dugang niya nga nagbantay sila sa kawanangan alang sa kasigurohan sa mga abyon nga moabot o molupad. (FVQ)