Manghihilot gipatay sa 'gikabuhi'

DAVAO DEL NORTE -- Boluntaryo nga misurender ngadto sa kapulisan ang usa ka lalaki nga miunay og luba ug tigbas sa iyang manghihilot alas 5:40 sa hapon niadtong Martes sa Purok Bantakan, Barangay San Isidro, dakbayan sa Tagum.

Giila ang suspetsado mao si Ronni Gancho, molupyo sa maong dapit, samtang ang manghihilot mao si Basilio Mijares, 72, molupyo gihapon sa maong lugar. 

Sa inisyal nga imbestigasyon sa kapulisan, alas 11:25 sa buntag sa maong adlaw, miadto si Gacho sa balay sa biktima aron magpahilot.

"Ang alleged is nagpahilot ang suspek sa biktima. Pagkahuman og hilot daw, misaka daw ang iyang kabuhi didto sa iyang ulo mao nga wala na niya kapugngi, iyang napatay ang biktima," matod ni Anjanette Tirador, tigpamaba sa Tagum City Police Station.

Apan samtang naghilot, kalit lang nga giluba ug gitigbas ang biktima sa suspek. 

Nakahiagum og mga samad dinunggaban ug tinigbasan sa nagkadaiyang bahin sa lawas ang manghihilot, hinungdan nga gidali kini pagdala ngadto sa Davao Medical Mission Hospital, apan gideklara na nga dead on arrival ang biktima sa mga doctor.

Misurender ang suspek ngadto sa purok lider sa maong barangay ug dayon gitunol ngadto sa kapulisan.

Nasayran nga daan na nga, matud pa, molahi ang pangisip sa suspek, maoy posibleng hinungdan kon nganong nabuhat niya ang krimen.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph