GIBALHOG sa prisuhan ang usa ka babae human giingong maoy nidawat sa kwarta nga giingong gipangilad niini sa usa ka high profile nga mga personalidad ning dakbayan sa Cagayan de Oro.
Gipriso sa Police Station 1 sa Divisoria mao si Adelfa Perez, 50, anyos ning dakbayan human maoy ni-claim sa kwarta nga gipaon.
Gibutyag ni Police Senior Inspector Maricris Mulat kinsa hepe sa Police Station 1 nga usa ka high profile personality didto sa kaulohan ang nakadawat og mensahe nga pagpanghadlok nga patyon, pagpang-harass ug daw aron undangan mangayo og kantidad nga P30,000 bugti nga dili na sinamokon.
Tungod niini, nangayo og tabang ang maong personalidad sa kapolisan ug nagpasumangil nga magpadala og kantidad nga P30 mil.
Dihang gihatag na ang pangalan sa mag dawat sa kwarta gipaldan lang kini og P500 ug gialarma ang tanan buhatan sa Cebuana Lhuillier sa nasod.
Apan niaging adlaw gi-claim ni Perez ang kantidad sa branch sa Cebuana sa Divisoria hinungdan nga gi-hold kini.
Dihang gidakop sa kapolisan nisulti ang suspek nga igo lamang siya gisugo ug gatagaan lamang siya og kwarta niini.
Matud ni Mulat nga wala siya magdahom nga anaa dinhi sa dakbayan kini makuha apan iya nang nabantayan nga daghan modus niini tungod kay sukad sa iyang paglingkod moabot sa pito ka kaso ang natala sa iya lamang buhatan nga gapangilad sa susama niini diin sagad sa mga biktima mga iladong personalidad sama sa abugado, doctor ug uban pa. (SVB)