IPAHIGAYON karong Dominggo ang ika-38 nga edisyon sa Halad Kang Mano Amon Run sa Plaza Mano Amon sa Danao City.
Ang tinuig nga lumba nga giorganisar sa Danao City Sports Commission alang sa tanang mahiligon sa lumba sa dagan ug libre ang rehistrasyon niini.
Gibanabana nga moabot og 600 ka runners ang mangapil sa lumba, nga gilangkuban og tulo ka mga kategoriya nga mao ang 3-kilometer, 6K ug 12K.
Ang 12K adunay men ug women’s Open division samtang ang 6K ug 3K alang lang sa mga residente sa Danao.
Mokabat ngadto sa P34,000 ang kinatibuk-ang ganti sa lumba. Ang mga mananaog makadawat sab og medalya.
Ang mag-unang 400 ka mga rehistrannte mao lang ang makadaway og singlet.
Nagkanayon si JP Pasaol sa Danao City Sports Commission nga kagahapon, kapin na sa 200 ang mga nakaparehistro. Motiklop ang rehistrasyon karong Biyernes.
Mahimong makaparehistro sa Office of the City Administrator, City Health Complex sa Danao City.
Alang sa dugang mga impormasyon, mahimong motawag sa 266-9976.