GISAPUT si Isabel Granada sa mga staff sa ayroplano nga iya untang sakyan padung sa Cebu niadtong Miyerkules, Oct. 26.
Dugay nang naka-skedyul si Isabel isip celebrity guest ni Ms. Aida Patana sa grand opening sa iyang duha ka branches sa Celebrity Salon ang Spa nga dungang giablihan nianang adlawa.
Ang usa naa atbang sa San Miguel Brewery sa Highway, Mandaue samtang ang usa naa sa Banilad atbang sa Sto Nino Village.
Apan nakanselar ang 12:15 flight ni Isabel. Giisbog ni sa alas 4 sa hapon. Nihangyo ang singer-aktres sa airlines nga ibutang lang siya sa alas dos sa hapon, apan wala kuno mosugot ang taga-airlines.
“Sensya na po sa nangyari.. airline mistake po ito. I won’t make it. I’ll be in Cebu too late and flight ko po pabalik is 8pm. Same Airline. I need to be back tonight din for Eat bulaga rehearsals,” tipik sa FB post sa aktres.
Kaduha napalpak
Nakasabot ra sad si Ms. Aida sanglit dili man sala ni Isabel ang maong hitabo.
Maayo na lang niabot ang sexy singer nga si Selena Sevilla nga maoy niparis ni Senyorito Michel Lhuillier alang sa ribbon cutting ug blessing sa ilang bag-ong Celebrity Salon and Spa. Apil sa gibendisyonan sa pari ang bag-ong outlet sa ML Kuwarta Padala nga naa sa tupad.
Si Isabel nga maorag wala mahimutang nitawag og balik ni Ms. Aida ug nag-sorry na pud kay naikog kaayo siya. Kaduha na man gud to naisbog ang grand opening kay sa unang higayon wala sad gihapon katunga si Isabel.
Apan nisaad si Isabel nga mobawi inig liwas sa kalag-kalag. Karong Nov. 12 grand opening sa Pizzeria Michelangelo sa City Time Square, diin ang special guest si Miss Universe 2013 3rd runner-up Shamcey Supsup. Atong tan-won kon moabot ba si Isabel.
Naikog sa GMA
Sa Kapuso Mall Show sa Alyas Robin Hood sa Sugbo sa miaging semana, wala hisguti ni Dingdong Dantes ang iyang upcoming movie nga The Unmarried Wife sa Star Cinema.
Igo ra siya niingon nga nagpadayon ang ilang shooting kauban silang Angelica Panganiban ug Paulo Avelino.
Nakasabot mi sa entertainment press nga maikog si Dingdong hisgutan ang maong pelikula sa maong presscon. Lain sad bitaw kay GMA-7 baya to nga event.
Apan kumpirmadong showing na ang The Unmarried Wife sa Nov. 16 sa direksyon ni Maryo delos Reyes.
Sa pagkakaron, wala pay kisaw kon duna ba’y mall tour ang cast sa Sugbo. Ato nang mahibaw-an inig balik ni Ms. Josie S. Pereyra human sa iyang bakasyon grande sa Japan.