Mayor dili bastang modeklara og drug-free sa mga barangay

MAGSAYSAY, Davao del Sur -- Gibarugan sa amahan ning lungsod nga di siya basta molagda og sertipikasyon nga drug-free na ang ilang munisipyo.

Gawas sa 26 ka mga barangay sa lungsod, bugtong ang duha ka mga barangay sa Dalumay ug Bacungan pa lang ang nadeklarang gawasnon na sa druga.

Gina-monitor sab sa Department of Interior and Local Government ang mga barangay nga mihimo og hugot nga kampanya batok sa ilegal nga druga.

Sumala ni Mayor Arthur Davin nga dili dali ang pagdeklara nga drug-free na ang usa ka barangay kon walay kaseguraduhan nga wa na gyuy druga sa maong lugar.

Gitataw sa mayor nga nakig-alayon ang lokal nga gobyerno sa mga sakop sa Philippine Drug Enforcement Agency sa ilang kapulisan alang sa nagpadayong kampanya batok sa ilegal nga druga.

Si Davin nagbutyag nga mahimo lamang modeklara og drug-free kon maseguro nga wa na gyuy nagpayuhot o nagagamit og druga sa maong barangay.

Sa kasamtangan, mas gipakusgan pa sa mga sakop sa Barangay Drug Abuse Council ang ilang pag-ukoy sa mga nagagamit o nagabaligya sa ilegal nga druga aron masikop.

Hinuon, gitataw sa mayor nga dako og epekto ang kampanya sa lokal nga gobyerno human nga nangawagtang na ang mga dagkong pusher sa lugar. (OBD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph