(Pasiuna: Kini ang atong apas-sumpay sa suliran nga gipadangat kanato ni Mr. Dan Matsunaga Padilla mahitungod sa iyang pagpangita og mga pamaagi aron mas makatrabaho siya og maayo diha sa kama.)
DEAR Mr. Dan Matsunaga Padilla,
Sa niagi atong gihisgutan ang mga suplemento nga maayo alang sa kinabuhing seksuwal. Hinumdomi lamang nga ang usa sa mga yawe sa mas maayong kinabuhing seksuwal anaa sa sirkulasyon sa dugo. Mao nga pagpili sa suplemento kanang mohatag og kainit sa dugo pinaagi sa pagpaayo sa sirkulasyon.
Ug sa mga suplemento karon, anaay usa ka suplemento nga akong ginasugyot. Kini ang Tongkat Ali. Nakahibalo ko niini niadtong niapil ko sa Asian Sexology Congress sa Singapore. Nakahibalo ko sa mga pagtuon nga gihimo niini ug nailhan usab nako ang siyentipiko sa sex nga nagpaluyo niini.
Ang pagtuon maayo nga pagkahimo ug ako usab kini nga natestingan sa akong mga pasyente. Maskin pa man ang mga resulta dili dayon-dayon o daw kilat, apan ang akong mga pasyente nga nakasinati niini nakabati og maayong eksperiyensa sa sex human sa sobra usa ka bulan sa pag-inom niini. Apan angay lamang nga pagabantayan nga dili pareho ang tanan nga Tongkat Ali nga anaa sa merkado karon. Seguraduha nga anaa kini ensakto nga doses, kay kung dili, ang mga saad niini nga makit-an sa mga adbertaysment mohatag lamang nimo og kapakyasan.
7. Ayaw og ikumpara ang imong kaugalingon sa uban
Ang problema sa ubang mga lalaki mao nga ginakomparar nila ang kaugalingon sa uban - ug gani diha pa sa mga lalaki nga anaa sa salida sa porno. Apan hinumdomi nga ang mga lalaki sa mga bold nga salida anaa diha tungod kay anaa silay kadak-on sa kinatawo nga pang-museum o di kaha gitagaan og drugs aron himuon ang ilang higante nga mga batuta nga susama kagahi sa bato - nga daw pang-forever - kay walang forever...hehe. Apan sa salida lang intawon ni. Dili kini tinuod. Apan ikaw anaa ka sa tinuod nga kalibutan.
Apan tungod kay taas-taas pa man gihapon ang atong pagahisgutan mahitungod niining imong sitwasiyon, tugoti na usab ako nga ato kini nga padayunon og pagtuki sa sunod nga edisyon niining atong patik. Hangtud na usab sa sunod!
Dr. Fritz
(Si Dr. Fritz Legarde Espedilla usa ka aesthetic dermatologist/surgeon ug clinical sexologist. Aduna usab siyay kahibalo ug training sa hypnotherapy ug sa Medical Acupuncture. Usa usab siya ka personalidad sa radyo nga sobra na sa dekada nga nagadagan sa kahanginan ug autor sa iyang libro nga “Healthy is Sexy Secrets ni Dr. Fritz”. Nagatudlo usab siya sa usa ka kolehiyo sa Pharmacy. Alang sa inyong mga sulat-suliran, mamahimo kini ninyong ipadala sa Dear Dr. Fritz, c/o Sunstar-Davao Publishing Inc., Ebro-Pelayo Building, Jacinto St., Davao City, (former Department of Foreign Affairs office), across Ateneo de Davao University and beside Holy Child School of Davao, o i-e-mail kini sa dokfritz@yahoo.com. Ang dili magpamantala dili matubag!)