Mga bus driver i-drug test

GISUGYOT sa Philippine Drug Enforcement Agency (PDEA)-Northern Mindanao nga kinahanglan ipaubos sa drug testing ang tanan nga mga bus driver nga gabiyahian sa tibuok rehiyon.

Gibutyag ni Regional Director Mandangan P. Darimbang sa Land Transportation Franchising and Regulatory Board in Northern Mindanao nga suportado kaayo niya ang sugyot sa PDEA-Northern Mindanao ubos ni Regional Director Wilkins Villanueva nga ipaubos sa drug-testing ang tanan bus driver.

Matud ni Darimbang nga pinaagi niini, masayran kung kinsa gyod ang naggamit sa ginadili sa druga diha sa pagmaneho ug masuta kung gagamitan ba gyod niini.

"Suportado ko ana nga move sa PDEA," matud sa director.

Dugang niini nga iyang pagtuo, walay angayan nga ikahadlok ang mga driver nga mopaubos sa drug testing kung nasayod sila sa ilang kaugalingon nga wala sila migamit niini.

Apan kung gagamitan, daw angayan nga mahadlok.

Matud ni Darimbang nga bentaha kaayo kung kining mga driver nga gagamitan sa ginadili nga druga panahon sa disgrasya maoy maapektuhan, apan gakaangin ang mga pasahero ug maoy mas labing maapektuhan nga unta dili kinahanglan.

Kahinumduman, sunod-sunod nga kalampusan sa PDEA-Northern Mindanao ang natigayon diin sunod nga giplano sa buhatan mao ang pagpaubos sa drug testing batok sa mga bus driver kini alang sa maayong pagbiyahe ug likay s

disgrasya.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph