Mga suspek sa pagpanglugos ipasunog nga buhi

MARAWI CITY -- Hugtanon karong gipabantayan sa kapulisan ning dakbayan ang upat ka mga suspek sa pagpanglugos ug pagpatay sa 15 anyos nga babaye niadtong niaging adlaw.

Kini human mibahad ang pamilya sa biktima nga dili nalang kasuhan ang upat apan silotan nalang deretso pinaagi sa pagsunog kanila nga buhi hangtud mamatay.

Ang mga suspek nailang sila si Jabbar Rikta Macacua, Elias Kamote Pimping, Salman Udag Sambitory ug Jalil Alit Sani.

Gipasanginlan ang upat nga milugos sa biktima sulod sa panimalay niini sa Barangay East Basak, Marawi City una nila gipatay pinaagi sa paghikot og wire sa li-og dayon gisunog ang balay.

Ang inahan ug usa ka igsoon sa biktima atua sa merkado kay dunay gipamalit atol sa hitabo.

Ang amahan niini usa ka OFW sa Saudi Arabia.

Gikumpirma ni Marawi City Mayor Fahad Salic nga gipangayo sa pamilya ug mga kabanay sa biktima ang mga suspek kay aron sunugon apan anaa na sa kapulisan ang upat ug ipaagi sa proseso sa balaod ang pagsilot niini.

Nagbantay na usab ang Human Rights Commission human makit-an sa Facebook ang mga hulagway sa mga biktima nga napuno og bun-og.

Sa interview sa Sun.Star Superbalita, miingon si Pimpim nga gikulata sila sa mga residente dihang gikuha sila sa ilang pinuy-anan niadtong Sabado hinungdan sa ilang mga bun-og ug samad sa nawong ug kalawasan.

Gikumpirma ni Police Senior Superintendent Agustin Tello, Provincial Director sa PNP Lanao del Sur, nga wala pay pormal nga kasong gipasaka batok sa mga suspek hinungdan nga mapugos sila sa pagbuhi kanila tungod kay masumbungan naman usab sila og arbitrary detention.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph