NGIL-AD man tuod ang ilang depensa apan mingbawi ang host Houston Rockets sa opensa aron lupigon Brooklyn Nets, 122-118, kagahapon sa National Basketball Association (NBA).
Sama sa nandan, ang Rockets gipangulohan sa ilang lider nga si James Harden, kinsa mipakatap og 36 puntos, 11 assists ug walo ka rebounds.
“There’s 82 games — every game isn’t going to be perfect,” batbat ni Harden. “You’ve got to figure out ways to win, and that’s what we did tonight.”
Nidugang si Eric Gorden og 24 puntos lakip na niini ang unom ka three-point shots alang sa Rockets samtang nitampo og 17 puntos si Ryan Anderson.
Ang Rockets, nga ningposte sa ikapito nilang sagunson nga kadaugan, ningsulbong sa 18-7 nga rekord.
Ang Nets, nga nahagbong sa 6-17 nga rekord, gipangulohan ni Brook Lopez pinaagi sa iyang 26 puntos samtang nihatag og 17 puntos si Sean Kilpatrick.
“They made some plays and we didn’t,” matod ni Brooklyn coach Kenny Atkinson. “It could’ve gone either way.”
Mibalik na og duwa ang usa sa mga sinaligan sa Nets nga si Jeremy Lin gikan sa pagkaangol niini niadtong Nobiyembre 2.
Sulod lang sa 20 minutos nga miduwa si Lin apan nakaamot kini og 10 puntos alang sa Nets.
Nagkanayon si Atkinson nga nakatabang nga ma-organisar ang ilang opensa ang pagbalik ni Lin apan kinahanglan pa kini niyang limitahan og oras.
“I felt a lot better than I thought I would with my wind, but I struggled with the rhythm,” matod ni Lin.
“The shots, the feel and getting back out there — you practice all these shots, but I got in there and it felt like I was shooting a football.”
Kanunay nga naggukod ang Nets hangtod nga natabla ni Joe Harris ang kombati, 118-118, sa nahabiling 40 segundos.
Gitubag kini ni Gordon aron ihatag pagbalik sa Rockets ang labaw sa nahabiling 11.9 segundos.
Sa return play, nakailog og bola ang Rockets ug nakadugang og laing duha ka puntos si Gordon aron iselyo ang kadaugan.
“We were just lackadaisical,” batbat ni Gordon. “Luckily, we made some plays in the end that helped us win. We definitely need a wake-up call, but we know what we need to do. It’s good that we get a win, but there’s all the little things that we need to do to be a better team.”
Alang kang Anderson, mas nakapakita pa unta sila og maayong duwa kon nakadepensa pa lang sila og tarong.
“I think we can look at ourselves in the mirror and say individually we could have done a better job, and as a team, we could have done a better job, too,” asoy ni Anderson.
Huyang ang depensa sa Rockets sa ilawom nga bahin ug ilang natugotan nga makahakot og 68 puntos ang Nets dinhing dapita sa pagpangulo ni Lopez.
Hinuon si Rockets coach Mike D’Antoni mitutok sa pagpadagan sa ilang opensa ug nakatabang kini kanila aron maangkon ang kadaugan. AP/ESL