BUG-AT alang sa militar ang gipadayag nga hukom ni presumptive president Rodrigo Duterte nga buhian ang mga political prisoners kung hingpit na siyang makalingkod isip pangulo sa nasud.
Si Duterte unang nagsulti nga iyang buhian ang mga political prisoners aron ipakita sa rebeldeng grupo nga sinsero ang gobyerno sa hisgutanang kalinaw.
“Very emosyonal issue ang pinag-uusapan dito. Mabigat yan kasi marami ring namatay sa hanay natin," tipik sa gisulti ni Colonel Casiano Monilla, deputy commander sa 10th Infantry Division (ID) sa Philippine Army atol sa AFP-PNP press conference sa Davao City Police Office (DCPO) Miyerkules.
Apan nalipay hinuon si Monilla kung kini ang dalan aron makab-ot ang dugay na nga gihandom nga kalinaw tali gobyerno ug rebeldeng New Peoples' Army (NPA).
"Sabi ko na nga we would be very happy na magkaroon tayo ng katahimikan, na magkaroon tayo ng agreement with the CCP-NPA-NDF dahil matagal na tayong naghahanap niyan," dugang niya.
Dugang gibutyag sa opisyal nga wala silay bisan usa nga pagpangluod gumikan si Duterte kanunay misuporta kanila.
"Wala naman po, of course, the incoming president has always been there talaga sa atin, especially sa aming mga sundalo," dason sa opisyal.
Luyo niini, gihangyo sa kasundalohan nga kinahanglan kinasingkasing nga motuman ang mga rebelde sa masabotan, di supakon ang patakaran sa gobyerno.
"Ang sa amin lang talaga, yung willing sila to have peace with us," hangyo ni Monilla nga naghinaut nga di pahimuslan sa rebeldeng grupo nga pagpahagba sa gobyerno aron modaug ilang rebolusyon.
Giingon sab ni Montilla nga gikapoy na ang kasundalohan sa insurhensiya mao nga nanghinaut sila nga maresolba kini sa labing daling panahon. (Jeepy P. Compio)