GIPASABOT ni Misamis Oriental Governor Yevgeny Vincente Emano ang mga rason nganong andam siya sa pagtuboy ni Ilocos Norte Governor Imee Marcos kon modagan kini pagka-senador sa nasod.
Gibutyag ni Emano nga dili lamang siya apan lakip ang Governor’s League of the Philippines nga buot mo-alsa ni Marcos ngadto sa hawanan sa senado aron adunay mopresenta sa mga gobernador.
Matud ni Governor Emano sa SunStar SuperBalita ug mga tigbalita atol sab sa pagbisita ni Governor Marcos sa Misamis Oriental nga nakita niini nga dako kini og tabang sa kalamboan sa nasod tungod kay nagsugod kini gikan sa local government unit (LGU).
“Ang tinuod kami naghangyo kaniya mga gobernadores sa nasod nga kung mahimo papili siya sa pagka-senador sa sunod nga eleksyon para naa kita mga gobernador tingog ngadto sa hawanan sa senado kay kung inyong mamatikdan halos naglingkod sa Senado wala niagi sa pagpanerbisyo sa local government unit ug dili kasabot sa pagpanginahanglan sa Mayor panginahanglan sa Governor, pagpanginahanglan sa kapitan,” pasabot ni Emano.
Dugang usab niini nga dili tiaw ang kalamboan sa Ilocos Norte nga gipamunoan niini tungod sa dakong kauswagan sa ilang turismo ug labaw sa tanan maayo nga panginabuhian sa katawhan.
Hinuon gibutyag ni Marcos sa mga sakop sa prensa sa dakbayan lakip ang SunStar SuperBalita nga bukas siya sa mga posibilidad labina nahisgot-hisgotan na kini sa ilang pamilya ug midako ang posibilidad kining pag-endorso kaniya sa mga gobernador sa nasod.
“Napag-usapan nga namin ni Governor Emano na dapat daw tatakbo ako sa senado kasi nga minsan mahirap sa national office walang local experience. Hindi makababa at hindi alam yong kababawan ng concerns natin dito sa local. Minsan masyadong highfalutin yong mga policy, mga theory, mga debate, e yon pala kulang lang tayo sa konting pagtingin dito sa baba and yong mga needs natin very basic so dapat talaga kung minsan may local view point kumbaga yong worms eye view instead of the high leveled bird’s eye view,” pasabot niini.
Gibutyag sab niini nga kon mahitabo nga modagan pagkasenado bout niining dal-on og balik ang garbo sa mga Filipino.
“Pinakaimportante sa akin to bring pride back, pride in being a Filipino kasi masyado na tayo binabagsak eh. Kaya gustong-gusto ko si Presidente Duterte kasi talaga kahit papaano Bakit? Talaga? Pilipino ako, sikat ako. Kahit ano pang problema natin taas noo kahit kanino. I think that’s very important it gives you confidence to go out and do business and to attracts investor, to find the jobs, to do many, many things and I think this new found nationalism is very essential,” dugang pasabot ni Governor Marcos.
Hinuon gipasabot niini nga dili pa gyod kini kumpirmado labina gipasabot niini nga nag-sugod pa siya sa kabataan barangay ug niabot na karon sa katandaang barangay tungod sa sige og panerbisyo.