GIBUTYAG ni Cagayan de Oro Second District Representative Rufus Rodriguez nga buot niyang ipa-justify ang usa ka kandidata sa Pancontinental Pageant human nitumaw ang kontrobersiya kalabot niini.
Si Nicole Harding kinsa partisipante gikan sa New Zealand namahayag kalabot sa giingong dili maayo niyang ekperensya sa dakbayan.
Gihulagway pa sa maong partisipante kinsa nagback-out sa pageant nga susama sa nasod sa Afghanistan ang dakbayan sa Cagayan de Oro.
Prisuhan usab ang paghulagway niini sa usa ka hotel nga iyang nasak-an.
Dugang niini nga usa ka opisyal ang misulti kaniya nga mouli nalang kini kay basin og dagiton ug abusohon.
Gikasuko ni Rufus ang maong pamahayag tungod kay naila ang dakbayan nga usa labing malinawon nga dakbayan sa nasod sa Pilipinas.
Daw kinahanglan kini nga ipa-justify kung asa nakuha ang daw pagtumo-tumo sa pamahayag niini.
"Can you imagine nga giguba na niya ang imahe sa CdeO?" suk-anon nga pamahayag niini.
Daw kung dili kini mag public apology mahitabo nga daw pugngan na kining makasulod sa nasod ug tawgon nga persona non grata.
Gikatakdang ipatawag ni Rufus ang New Zealand Ambassador aron ipatubag niini sa hawanan sa kongreso.
Samtang gibatikos usab ni Rufus ang local organizer tungod sa dis-organisasyon niini.
Kahinumduman dinhi sa Cagayan de Oro ug probinsya sa Misamis Oriental gipahigayon ang Mister and Miss Panconinental diin adunay 28 ka mga kandidata nga nagikan sa nagkalain-laing nasod.