ANG MLC nagpabiling nanguna sa Daciba-SBC Pamaskong Handog Open Bowling Tournament didto sa Doverlanes Bowling Center niadtong Lunes sa gabii.
Human sa upat ka duwa, miabot na sa 2,341 ka pinfalls ang natumba sa MLC dayon gisundan kini sa MAF Tractor nga miiskor og 2,257 pins.
Samtang ang ikaupat mao ang Jonzlibz nga mitala og 2,246 ug ikaupat ang 2,219 pins.
Ang upat ka tim manguna magkontra sa katapusang duha ka duwa, dayon sa step-up-the-ladder finals sa Lunes sa samang venue.
Sa individual event, nakuha gihapon sa MLC ang highest team single nga mihimo og 636 pins samtang ang highest pinning si Mel Bojo sa MightyBowlers dunay 97 pins ug highest individual nasungkit ni Senen Maligang sa MightyBowlers sab mipaligid og 154 ins.
Ang tim nga mokampeyon mouli og P15,000 samtang ang sunod nga tulo ka puwesto makadawat og P10,000, P7,500 ug P5,500, sa maong han-ay.
Ang indibidwal champion makakuha og P1,000 samtang ang sunod nga duha ka puwesto dunay P500 matag usa. (Marizz S. Robilla)