Moreno mihatag og taas nga grado ni Pnoy

TAAS nga grado ang gihatag ni Cagayan de Oro City Mayor Oscar Moreno sa mga kalampusan nga nakab-ot sa administrasyon ni Presidente Benigno Aquino lll.

u201cSa scoring nga 10 ang highest, ana-a kini sa 8.5 hangtud 9 nga score,” padayag ni Mayor Moreno sa iyang programa sa radyo, Hulyo 29 agi’g reaksyon sa State of the Nation Address ni PNoy niadtong Lunes, Hulyo 27.

Tungod usab sa maayong plataporma sa administrasyon nga ‘tuwid na daan’, milambo ang ekonomiya sa nasud sa milabay’ng lima ka tuig ubos sa pamunoan ni President Aquino, dugtong pa ni Mayor Moreno.

u201cHopefully, with what have been achieved by the Aquino administration in its fight against corruption and abuse of power in government, mas sayon na unya ang pag-asenso sa atong nasud,” dugang pamahayag sa mayor.

Panghinaut lang ni Mayor Moreno nga bisan tuod og daghan pa ang angay pagabuhaton, gikinahanglan ang pagpakabana sa tanang Pilipino aron moangat pa ang paglambo sa nasud.

u201cThe challenge now is how to sustain the momentum of growth. We must begin by asking ourselves what we can do for our country,” panapos sa mayor, kinsa midugang pag-ingon nga usa sa dakong legasiya nga ikabilin ni President Aquino mao ang maayong pang-gobyerno kon ‘good governance’.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph