DUMAGUETE CITY - Misaka sa 7,538 ang mitahan nga mga pusher ug user sa lalawigan sa Negros Oriental subay usab sa subsob nga operasyon sa kapulisan batok sa ilegal nga drugas.
Ang Philippine National Police sa Negros Oriental mipakita sa ilang uwahing talaan gikan niadtong Hulyo 1 ngadto sa 17.
Ang mga pusher ug user boluntaryo kining misurender pinaagi sa Projet Double Barrel ug Oplan Tokhang pinaagi usab sa hugot nga kampanya subay sa mando sa bag-ong director sa Negros Oriental Provincial Police Office (NOPPO) nga si P/SSupt. Nestor Tiempo.
Ang mga misurender gikan sa mga kalungsoran ug dakbayan sama sa Canlaon 184, Vallehermoso 176, Guihulngan 846, La Libertad 316, Jimalalud 125, Tayasan 128, Ayungon 251, Bindoy 71, Manjuyod 30.
Samtang sa Mabinay 455, Bais 375, Tanjay 599, Pamplona 224, Amlan 255, San Jose 313, Sibulan 1000, Dumaguete 603, Valencia 248, Bacong 354, Dauin 230, Zamboanguita 186, Siaton 577, Sta. Catalina 83, Bayawan 252 ug 68 gikan sa Basay.
Kini subay sa katuyuan ni President Rodrigo Duterte ug PNP Chief Director Ronald “Bato” Dela Rosa nga masulbad ang problema sa drugas sa nasud.