ISIP kabahin sa padayon programa sa pagpalambo sa isports sa Mindanao, ang Mindanao Peace Games (MPG) magpahigayon og men's inter-collegiate sa Nobyembre 9 hangtud 12 sa General Santos City.
Kini ang pahayag ni MPG main convener Noli Ayo sa Davao Sportswriters Association (DSA) Forum didto sa NCCC Mall Food Cove Food Court niadtong Huwebes.
Dugang ni Ayo nga ang MPG nailhan isip organisasyon sa kababaihan nga mohatag og oportunidad sa mga atletang babaye apan sa milabay mga bulan naghimo na sab sila og pipilaka events nga may lalaki atleta diin mapalapdan kini karon sa umaabot under 22 inter-collegiate football.
"Ang lagi lang naman naming ginagawa dito is really the beyond sports mentality na ini-insert namin sa kultura," ni Ayo.
Batbat pa ni Ayo nga dunay tulo ka tims ang kumpirmadong apil lakip na ang Ramon Magsaysay College sa Region 12, Ateneo de Davao University sa Region 11 ug Xavier University sa Region 12.
"We are still waiting for the final confirmation of Region 13 on who will represent between St. Joseph Institute of Technology and Father Saturnino Urios University (FSUU)," ni Ayo.
Giklaro sab ni Ayo ang duwa kabahin sa ilang upat ka adlaw programa diin duna silay leadership development nga ang mga captains mopaubos sa serye aktibidad, coaches mentoring program, clinic for kids pagaulohan sa mga magduduwa ug ang 'popcorn and movie night'.
Dugang ni Ayo, nga nakigtrabaho sila sa Saranggani Peace Network Inc. pagaulohan ni Fr. Angelo Buenavides, kinsang iladong epektibong liders sa Mindanao ug kini gisuportahan sab sa Mizuno.
"We are very happy that they (SPNI) are accommodating MPG for the next four days from Nov. 9 to 12," niya pa. (Marizz S. Robilla)