Nag-jogging gipusil, patay

PATAY ang usa ka parolado human gipusil sa wala mailhing tawo samtang nag-jogging uban sa iyang kapuyo sa Sitio San Rafael, Barangay Tanke, dakbayan sa Talisay kagahapon, pa­sado alas 6:00 sa buntag.

Ang biktima giila sa kapu­lisan nga si Edwin Sedaco Cas­tanares, hingkod ang panuigon, ulitawo apan adunay live in partner ug taga sitio Laray, San Roque, sa maong siyudad.

Samtang, ang kriminal wa pa mailhi sa kapulisan usa ka lalaki sakay sa itom nga motorsiklo nga walay number.

Base sa pasiunang imbestigasyon ang kapulisan bakadawat og alarma sa pagpamusil sa maong lugar.

Nasayran nga ang biktima kuyog sa iyang kapuyo nga nag-jogging. Sa dihang kalit lang nitunga ang wala mailhing tawo dala ang wala pa matino nga kalibre sa armas dayog pusil sa biktima sa nagkadaiyang bahin sa lawas.

Ang wala mailhing tawo da­ling nisibat sakay sa motorsiklo paingon sa dakbayan sa Sugbo.

Sa dihang miabot ang mga sakop sa Talisay Emergency Me­dical Services wala nay ki­na­buhi ang biktima ug anaa na karon sa St. Peter Funeral Hones.

Sa nakuhang kasayuran sa ka­pulisan sa Talisay ang biktima bag-o lang nakagawas sa New Bilibid Prison niadtong Hunyo 14, 2017 sa kasong homicide ug two counts of theft ug parolado kini niadtong May 16, 2017.

Sa pagkakaron, ang kapulisan padayon pa sa ilang gihimong imbestigasyon aron matino kon unsay motibo ingon man responsabli sa krimen. (DRT)