Nagbakos og bato, midagkot og kandila paghikog

CONSTRUCTION worker nag­hikog sa usa ka talagsaon nga pa­agi niadtong Martes sa buntag.

Naghigot siya sa iyang lawas og pisi nga ang pikas tumoy gihiktan og dakong bato.

Apan sa wa pa siya nilayat sa dagat gikan sa dakong bato sa may baybayon sa Brgy. Binongcalan, Catmon, amihanang Sugbo, nagdagkot una siyag kandila.

Si Dario Castro Rojo, 43, ulitawo, construction worker, patay na nga napalgan sa iyang amahan sa ilawom sa dagat.

Si PO3 Ben Navales, imbestigador sa Catmon Police Station nga nahinabi sa Sun.Star Superbalita, nagka­nayon nga ang biktima gikatahong tiggamitan sa ginadiling drugas sumala sa kabanay.

Ang amahan nga si Benjamin maoy nakakita sa biktima sa ilawom sa dagat nga wa na motunga kay kay tin-aw ang tubig.

Nangayo siyag tabang sa mga tawo sa baybayon aron haw-ason ang iyang anak kinsa na­ngupot sa mga sagbot nga sabod.

Ang t-shirt nga puti maoy gihiktan sa pisi nga dunay dakong bato.

“Naghikog gyud siya. Gituyo niya ang pagbutang sa dakong bato aron siya maunlod hangtud nga nabugto-an sa kinabuhi kay mikupot pa man siya sa ilawom,” dugang ni Navalez.

Alas 7:00 sa buntag gi­ingong ang biktima nagyawyaw nga siya lang ug masuko kun duolon sa iyang igsuon.

Giingong duna siyay nervous breakdown dihang nipauli gikan sa Surigao diin siya nagtrabaho sa construction.

Gituohan sa kabanay nga gumikan kini sa paggamit sa ginadiling drugas.

Ang igsuon niining babaye gikatahong gisukmag makausa ka higayon kay nagsigeg pangutana kabahin sa iyang problema.

Nibutyag usab kini nga dunay tawo nga mopatay kaniya.

Ang igsuong babaye mao nay nisulti sa ilang amahan nga ang biktima toa sa dagat di magpadistorbo tungod sa kahadlok nga dunay mopatay kaniya.

Sa pag-abot sa amahan, nakakita siya sa kandila nga nagsiga ug gisuhid niya ang dagat ug nakit-an si Benjamin sa ilawom.

Samtang ulitawo nga nagproblima kay nagpabiling di siya makakita human sa operasyion sa iyang mata naghikot sa liog niadtong Martes sa alas 10 sa buntag sa Barangay Sta. Cruz, Balamban.

Si Felix Charles Sucayre, 43, ulitawo, patay nang napalgan sulod sa lawak sa ilang balay human sa upat ka tuig nga pag-antos sa problima sa mata.

Matod ni PO1 Teofilo Verano Jr., sa Balamban Police Station nga nahinabi sa Sun.Star Superbalita nga mga usa ka tuig na gikan na-operahan ang biktima apan wa gihapon mabalik ang iyang panan-aw hinungdan nga na depressed.

Samtang namatay ang usa ka amahan nga gidudahan nga adik human maghikog gamit ang telephone wire sulod sa ilang balay sa sityo Filter, Barangay Tisa, dakbayan sa Sugbo sayo kagahapon sa buntag.

Ang biktima giila nga si Johnny Bequilla, 38, nagpuyo sa maong dapit.

Sa pasiuna nga inbestigas­yon ni SPO4 Alex Dacua sa Homi­cide Section sa Cebu City Po­lice Office nagbutyag nga na­uli sa ilang balay ang 9 anyos nga anak sa biktima ug didto nadis­kubrehan ang iyang amahan nga nagbitay sulod sa ilang balay.

Dugang nasayran sa kapuli­san nga sulod na sa pipipila ka bu­wan namatikdan nga lain na og li­nihukan ang biktima ug ka­nu­­nay mahadlok sa mga tawo nga iyang masugatan sa pagtuo nga kini mopatay kaniya.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph