Nalzaro: Anti-dynasty law; ma-unay sa tari

USA sa gihatagan og gibug-aton ni Pres. Noynoy Aquino sa iyang katapusang State of the Nation Address (Sona) atol sa pagbukas sa third regular session sa 16th Congress mao ang pag-awhag sa Kongreso sa dinaliang pagpasar sa anti-dynasty law. Naa sa atong Batakang Balaod;

Section 26, Article 11 of the 1987 Constitution states: ‘The State shall guarantee equal access to opportunities for public service and prohibit political dynasties as may be defined by law.’

Daghan ang nag-ong-ong karon nga balaodnon kabahin niini apan hangtod karon wala pay balaod nga napasar ang Kongreso kabahin sa anti-dynasty. Morag walay gustong motuki ug mopalabang niini nga magbabalaod kay mora ra silag nangita og pisi aron ihigot sa ilang liog. Matod pa sa mga sugarol nga ‘maunay sila sa tari’. Kay kon mapasar man ki­ning maong balaod, mahunong na ang pagkontrolar sa usa ka pamilya sa pulitika sa usa ka lugar. Daghan dinhi sa ato nga entiro pamilya miapil sa pulitika. Gikan sa amahan, ngadto sa asawa, mga anak, igsoon ug ubang kabanay.

Mapasar kaha?

Panahon na nga mapasar gyud kining maong balaod aron mahunong na ang pagkontrolar sa usa ka pamilya sa pamulitika sa ilang lugar. Gikina­hanglan nga hatagan usab og kahigayonan ang uban nga gustong moserbisyo. Apan ang pangutana kon mapasar ba gyud kaha kini? Morag tan-aw nako nga lisud gyud kining mapasar ning nahabilin nga onse ka buwan na lang sa administrasyon ni Pres. Aquino. Wala nay motuo ug motuman kaniya kay laos na siya nga lider. Wala man gani ma-pressure niya ang Kongreso aron ipasar ang Freedom of Information Bill ug ang Bangsamoro Basic Law (BBL) nga gusto niyang ipadali. Morag lisud ni sa panahon ni PNoy. Morag si Vice President Jejomar Binay ra ang iyang gi-igo niadto kay kining nga Binay nag-practice na kini og politcal dynasty. Tiaw nimo nga bise presidente, anak senador, kongresista ug mayor sa Makati City.

Misaway

Misaway ang nga supporters ni Binay ngadto kang PNoy gumikan kay wala kini maapil sa mga tawo nga iyang gipasalamatan atol sa iyang Sona. Nagpasalamat si PNoy sa iyang mga cabinet members nga mi-alagad kaniya sukad nga nahimo siyang Presidente. Si DILG Sec. Mar Roxas mao gyud ang iyang gidayeg pag-ayo. Nganong apilon man sa pagpasalamat si Binay nga puwerti man niyang saway na karon sa administrasyon ni PNoy. Nag-oposisyon na gud si Binay human sa sunod-sunod nga isyo sa kurapsiyon nga gibat ngadto niya og sa iyang pamilya. Sorry na lang kon nasakitan o na-insultuhan si Binay. Wala na lang unta to siya mitambong.

(bobby.nalzaro@yahoo.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph