ARON mas masilbihan ang nagkadaghan nilang konsumante, maplastar og maayo ang lain-laing nilang produkto, gibuksan sa Bioskin Tech Laboratories ang ilang Corporate Building diha sa Maya-Maya Street, Ecoland, ning siyudad sa Davao.
Ang One Stop Shop ug Skin Care Solution place nagtanyag sa 95 percent All-Natural based ug proudly Davao-made nga beauty products!
Last December 10, gihimo ang blessing sa bag-ong gambalay nga gitambungan sa mga nanag-iya, empleyado ug mga bisita.
"Bale dito you can check the different products under Bioskin, from soap, peeling cream, etc., andito lahat para isahan na talaga. From the raw materials hangggang sa products na talaga," ni Amabele M. Razonable, Human Resource manager sa kompanya.
Ang Bioskin nagsugod sa ilang operasyon dinhi sa Davao City, Abril 2002, isip subsidiary company.
Niadtong Enero 2005, nahimong independent company ang Bioskin.
Sa paningkamot sa nanag-iya ug developers nga sila Gerardo C. Evangelista ug Maria Victoria C. Evangelista, uban ang ayuda ug dedikasyon sa mga empleyado, milambo ang kompanya ug naghimong nag-una nga homegrown beauty and skin care manufacturers sa Davao City.
Dugang ni Razonable ang Bioskin may tulo ka brands nga bitbit, kini ang Home Spa, Spa Plus ug Villa Cosmetico Essenzialle.
Mga Home Spa products gilangkuban sa body, facial, hair ug foot spa collections.
Ang Spa Plus products sab gilangkuban sa basics ug essentials sa personal and beauty care.
Samtang, ang Villa Cosmetico Essenzialle nagdala sa mga produkto sa SkinTalk Light Peel Cream, SkinTalk Light Peel Solution ug daghan pa.
Luyo sa market nila dinhi sa lokal, dakong parte sab sa market nila ang anaa sa abroad.
"Majority Asian countries like Singapore, Indonesia. Diri sa local kung may magpalit outside Davao mo-visit sila sa shop. Though we have personnels nga mo-entertain sa ilang needs ug queries," dugang ni Razonable.
Sa pikas bahin, kinsa man kadtong buot mamaligya sa mga beauty and care products, ang Bioskin nagtanyag sab og pag-customize niini.
Anaa sab sa corporate building sa Bioskin ang Coffee Shop nga nagtanyag og vegan foods, gelato ug uban pa.
Gibutyag sa HR Manager nga mga produkto nila ginama sa 95 percent natural-based ingredients nga miagi sa tino nga pagduki-duki aron masiguro nga luwas kining gamiton, competitive ang kalidad sa rasonable nga presyo.
Ni Razonable nga luyo sa mga kliyente nilang na-hook sa paggamit sa ilang produkto bukas sab sila sa mga buot monegusyo, direct selling companies, spa and beauty salons, facial centers, medical professionals lakip na consumer trading companies lokal man o abroad.