Opisyal sa Daneco gi-ambush

DAVAO DEL NORTE -- Patay na ang usa ka taas nga opisyal sa Davao del Norte Electric Cooperative Incorporated-National Electric Administration (Danecao-NEA) sud sa balay tambalanan alas sais sa kaadlawon kagahapon human nga gipusil.

Ang biktima giilang si Gregorio Ybañez, kasamtangang Board of Director sa Daneco-NEA, gipusil sa alas 10:25 sa gabii niadtong Lunes didto sa iyang balay sa Purok Santan, Magugpo North, Dakbayan sa Tagum.

Si Ybañez naila sab nga manunulat sa kaugalingong lokal nga prensa ug madungog sa mga programa sa Daneco-NEA sa radyo.

Sa inisyal nga imbestigasyon sa kapulisan, nasayran gi-atake ang biktima sa mga suspetsado sa pag-abot pa lang niya sa ilang balay sakay sa motorsiklo.

Gihulagway nga gipusil siya sa mga mamumuno nga sakay sa Honda Fit nga kolor gray sa makadaghang higayon.

Ang kapulisan nakarekober sa lugar sa krimen og 6 fired cartridges, 2 ka deformed nga bala ug 1 ka napabuto nga bala.

Mga mamumuno daling mikagiw samtang gidali sab pagdala sa ang biktima ngadto sa Bishop Reagan Hospital sa Apokon Road sa dakbayan.

"Miana pa siya nako nga, OK lang daw siya, una siya misulod sa operation. Mao nga kampante lang pod ko," saysay ni Ben Wang, anchor sa programang Isumbong Mo kay Ben ug higala sa biktima.

Alas siyete sa buntag kagahapon, giingon ni Wang nga buhi ug luwas na ang iyang higala nga si Ybanez atol sa iyang programa sa radyo apan nakurat na lang siya nga gitaho sa iyang reporter nga mitaliwan na ang biktima.

Si Maymay Ybañez, anak sa biktima, mao mismo ang mikompirma sa pagpanaw sa iyang amahan dihang nahinabi sa Superbalita alas siyete sa buntag.

"Naay anggulo sa iyang kamatayon!" dugang ni Wang.

Si Boy Conejos, vice president sa Davao del Norte Press and Radio-TV Club, nagsulti nga ang patay nga lawas sa biktima gihaya sa St. Peter sa Tagum City.

"After the autopsy, the remains of the victim will be transferred back to his home," sulti ni Conejos sa Sun.Star Davao sa pakighinabi sa telepono kagahapon sa hapon.

Si Conejos nagkanayon nga ang mga mamumuno naghuwat sa biktima nga moabot sa balay aron banhigan.

"Naka-park na daw yung sasakyan sa harap ng bahay at hinintay na dumating siya. Pagdating niya (victim), hindi na bumaba yung suspect sa sasakyan at binaba nalang yung window at binaril siya," sulti ni Conejos.

Giingon ni Conejos nga ilang gikondena ang kamatayon ni Ybañez kinsa 30 anyos na nga nagserbisyo sa media.

"Ginakondenar nato ang brutal nga pagpatay kay Ybañez," sulti ni Conejos.

Si Senior Superintendent Samuel Gadingan, police director sa Davao del Norte Provincial Police Office (DNPPO), sa laing pakighinabi, nagkanayon nga padayon ang ilang imbestigasyon duna silay imbestigasyon aron mailhan, masikop ug mademanda ang mamumuno.

"Iniimbestigahan na namin ang insidente. Negative pa sa ngayon ang mga identities ng mga suspects but with our investigation mare-reveal na natin ito soon," sulti ni Gadingan.

Ang opisyal nagsulti nga ilang gilantaw ang anggulo nga may kalabutan sa trabaho ang pagpatay sa biktima.

"Tinitingnan natin ang angulo na related ito sa kanyang work as a board of director of Daneco-NEA, especially alam natin na may away-away ito involving Daneco-CDA," dugang niya.

Ang National Union of Journalists Davao chapter, sa ilang pahayag nga gipadala sa Sun.Star Davao kagahapon sa hapon, nagkondena sa pagpatay sa kaubanang sakop sa media.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph