ORMOC CITY - Gideklarang over all champion sa Eastern Visayas Regional Athletic Association (EVRAA) 2018 ang Ormoc City. Base sa official results, 109 ka gold medals ang nakuha sa Ormoc, 56 ka silver ug 74 ka bronze. Nagsunod niini ang Leyte nga dunay 88 ka gold medals, 69 ka silver ug 56 ka bronze. Ikatulong pwesto mao ang Maasin City nga dunay 24 ka gold medals, 35 ka silver ug 30 ka bronze. Ang elementary category ang naghatag og daghang gold sa Ormoc. Sa elementary category, 51 ka gold ang nakuha sa Ormoc, 24 ka silver ug 28 ka bronze. Sa secondry category, dunay 58 ka golds ang Ormoc, 32 ka silver ug 46 ka bronze. (JKDP)