Osmeña Blvd., Juan Luna Ave. sirhan ig-Apec?

ANDAM ang Cebu City Traffic Operations Management (Citom) sa pagsira sa dalan Juan Luna Aven­ue ug Serging Osmena Boulevard isip kabahin sa re-routing sa mga jeepneys atol sa ipahigayon nga Apec meeting dinhi sa Sugbo.

Plano unta sa Citom inubanan sa traffic management sa Mandaue nga pagasugdan ang dryrun sa re-routing niadtong Hulyo 17 apan nadelatar kini tu­ngod sa mga gipangtrabaho sa Department of Public Works and Highways (DPWH).

Gibutyag usab ni Citom excutive director Rafael Yap nga andam na ang ilang traffic management scheme alang sa pag-abot sa mga delegado ug ang pag-pabalik niini ngadto sa airport diin 120 ka Citom personnel ang ilang ipakatap.

Dili lang ang mga dalan duol sa mga hotel apan lakip na ang mga silingang dalan niini ang butangan og mga Citom personnel.

Gitan-aw nila ang Pope John Paul II Ave. nga key street kun ang dalan nga permi magamit sa delegado tungod kay natuyokan kini sa mga hotel nga ipahigayon ang mga meeting.

Kini naglakip sa Radisson Blu Cebu, Waterfront Hotel Cebu, Marco Polo Hotel ug Mariott Hotel.

Adunay 65 ka mga gikatakdang meeting ang ipahigayon diin 3,200 ka mga delegado ang gibana-banang motambong.

Dugang ni Yap nga aduna na sila’y contingency plan kon pananglitan magbaha o grabe ang traffic. Anaa usab silay diversion road nga gi-andam kon dili magamit ang plano nila nga traffic scheme.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph