Outstanding Municipal Station naangkon sa Jasaan

NAANGKON sa Jasaan Police Station ang award isip Outstanding Municipal Police Station of The Year 2015 sa Police Community Relation (PCR) atol sa ika 20th PCR month celebration nga gipahigayon sa Police Regional Office Northern Mindanao sa Camp-Alagar, Lapasan ning siyudad sa Cagayan de Oro.

Gidawat mismo ni Police Senior Inspector Esperidion R. Biado III ang pasidungog ug mapasalamaton kini og dako sa nakab-ot sa ilang buhatan.

Sa pakighinabi sa Sun.Star SuperBalita, si Biado mibutyag nga garbo alang kanila ang naangkon nga pasidungog ug mapasalamaton kaayo nga gihatagan og pagtagad ang ilang mga nahimo sa lungsod.

Gibutyag ni Biado nga kini ang ikaduha nila nga award nga naangkon diin niadtong tuig 2014 nahimo gihapon sila og Municipal Police Station of the Year sa National level.

Gipasabot niini nga sukad nga misilbi siya isip hepe sa istasyon unang higayon kini nga nakaangkon og pasidungog ang istasyon ug dugang niini nga dili kini magmalampuson kung walay suporta sa katawhan sa Jasaan ug suporta nga dako gikan sa local government unit sa maong lungsod.

Nasayran nga moabot na og usa ka tuig kapin nga nagsilbi si Biado sa buhatan ug gihinaot niini nga magdugay siya sa lungsod tungod kay daghan pa siya og plano alang sa kahapsay ug kalinaw sa lugar.

Gihangyo usab niini ang katawhan sa lungsod nga ipadayon ang kooperasyon ngadto sa ilang buhatan ug bukas ang iyang cellphone number sa bisan unsa nga tawag nga ipaabot kanila aron ilang marespondihan.

Samtang sa laing bahin apil sa nakaangkon og award ang Tagoloan Police Station sa Tagoloan Misamis Oriental diin nahimong Outstanding PCO of the year ang hepe niining si Police Inspector Maricris Mulat.

Niadtong Martes gipahigayon ang awarding ceremony subay sa selebrasyon sa ika 20th Police Community Relation Month.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph