Pacquiao vs. Khan sa 2016?

GIBUTYAG ni British boxing star Amir Khan nga nakigsulti kaniya si Top Rank boss Bob Arum alang sa potensyal niyang pagpakig-away sa kanhi 8-tdivision world champion Manny Pacquiao sa sunod tuig.

Si Khan nagtingu­ha na sab unta nga ma­kig-away kang Floyd May­weather Jr. karong Septiyembre 12 apan padayon siyang wala lingia sa kasamtangang pound-for-pound king.

Gumikan niini, gikonsiderar ni Khan nga makigharong lang kang Kell Brook apan matod niya nakadawat sab siya’g tanyag nga makig-away kang Pacquiao.

“There have been talks of an Amir Khan fight in Dubai for many years now,” matod ni Khan sa taho nga migawas sa www.abs-cbnnews.com.

“Everyone knows my position. I am ready to fight if they are serious about it. Bob Arum has contacted my team to fight Manny Pacquiao around March or April in Dubai. Let’s see how that develops.”

Si Pacquiao kasamtangang nagpaalim sa iyang angol sa tuong abaga nga miagi og operasyon.

Iya kining naangkon sa iyang unanimous decision nga kapildihan ba­tok kang Mayweather niadtong Mayo 2.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph