Pag-umangkon gibunalan, giluba sa uyoan

GIBUNALAN ug giluba sa uyoan ang iyang pag-umangkon tungod kay hubog niadtong Dominggo, Septembre 24, sa dalang Burgos ning dakbayan sa Cagayan de Oro.

Nilanding sa Northern Mindanao Medical Center si Michael Saring, 28, minyo, residente sa Gomez-Burgos Street ning dakbayan human gidunggab sa uyoan nga si Jeffrey Saring.

Sa impormasiyon nga nahipos gikan sa tambalanan, gikabutyag nga lango sa ilimnong makahubog ang biktima.

Giingong gumikan kay naka-inom man nakabikil kini sa uyoan sa wala na ikabutyag nga rason.

Nagka-initay ang duha nga nisangpot sa maong panag-away ug miresulta sa kagubot diin niabot sa punto nga gidunggab ug gibunalan sa uyoan ang maong biktima.

Nakaangkon og samad sa ulo agi og binunalan ang biktima lakip na samad dinunggaban sa iyang kilid nga bahin hinungdan nga dali kining gidala sa balay tambalanan.

Sa pagsulat niini nga balita ang maong biktima ang pabilin pa nga nagpaalim sulod sa emergency room sa nahisgutang balay tambalanan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph