Panglawas, agrikultura gipasigarbo

“APAN ang atong ubang igsuon mo­­i­ngon nga si Davide, wala’y nabuhat.”

Mao kini ang gibalik-balik og kawalo ni Cebu Governor Hilario Davide III atol sa iyang State of the Province Address (Sopa) kagahapon sa hapon.

Gipasigarbo ni Davide ang nabuhat sa iyang administrasyon sulod sa kapin duha ka tuig niini nga paglingod sa katuangdanan.

Nisaka og 40 porsyento ang kita gikan sa buhis sa Probinsiya diin gidayeg pa kini sa Department of Finance isip labing maayo sa tibuok rehiyon.

Gipasidunggan usab sa Philippine National Police ang Anti-Illegal Fishing Task Force sa Probinsiya tungod sa kampanya niini batok ilegal nga pagpangisda.

u201cSukad pa kaniadto, kanunay nga reklamo mao ang kakulang sa tambal,” mao nga nakigsabot ang probinsiya sa Vicente Sotto Memorial Medical Center isip angkatanan sa mga tambal kun ang VSMMC-DOH Botica ng Bayan diin maghatag kini og mas ubos nga presyo sa tambal ingon man nga ma-available kini sa mga tambalanan sulod sa pito ka adlaw nga pag-order.

Gikatakda nga karong Oktubre aduna na’y ipamutang nga digital e-ray ultrasound sa mga tambalanan sa Carcar, Argao, Balamban, Danao City ug Bogo City.

Alang sa mga mag-uuma, a­­­duna’y 1,754 ka mga experimental fields sa Farmer-Scientists Training Program o FSTP nga gihan-ay a­lang sa 116 ka barangay sa 46 ka lungsod ug dakbayan sa probinsiya.

Naghatag ang training og dugang kaalam sa mga mag-uuma nga mas makaani og daghan ingon man mas dako ang kita.

Ang plano unta nga Trans-axial high­way sa Central Cebu gikan sa amiha­­­nan ngadto sa habagatan di pa posible.

Apan aduna’y P2 bilyones nga pundo ang gigahin usab sa Probinsiya alang sa proyekto sa kadalanan.

Lakip niini ang upat ka key road pro­ject sa Bogo City, San Remigio ug Daanbantayan.

Sulod sa 57 minutos, 44 ka higa­yon gipakpakan si Davide ug nag­pasalamat usab kini sa mga indibi­dwal nga nakatampo sa iyang administrasyon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph