PARYENTE sa giilang drug lord nga si Alvaro “Barok” Alvaro ug laing upat ang nasikop sa sunod-sunod nga buy bust operation sa kapulisan sa Sitio Sto. Niño, Barangay Looc, dakbayan sa Danao.
Naila ang dinakpan nga si Ronald Ramoneda Alvaro, 39, kinsa paryente sa karon napriso nga si Barok.
Nadakpan kini inubanan sa kuyog niini nga si Jonel Morales Manco, 29, mga pasado alas 4:00 sa kaadlawon kagahapon.
Nakuhaan usab kini og 11 ka pakite sa shabu nga nagkantidad og P7,080. (HBL)