Patay sa granada

MAG-UUMA namatay human nabuthan sa granada nga iyang gitagoan samtang naangol usab ang iyang amahan sa hitabo niadtong Martes sa alas 9:30 sa gabii sa Barangay Cagay, lungsod sa Barili, Sugbo.

Si Renulfo Borres, 22, ulitawo, mag-uuma, dead-on-arrival (DOA) sa Barili District Hospital tungod sa daghang mga samad sa iyang kalawasan.

Ang iyang amahan nga si Vicente, 51, mag-uuma, naangol ug kasamtangang giatiman sa mga doktor sa Vicente Sotto Memorial Medical Center (VSMMC).

Si PO2 Gilbert Encabo, desk officer sa Barili Police Station, nagkanayon nga si Renulfo ug Vicente, uban sa igsuong si Audeyn ug kapuyo nga si Arnel, taga Valencia, Bukidnon nag-inom sa ilang nataran.

Si Audelyn gikatahong nipauli gikan sa Bukidnon human sa dugay niyang pagkanaw sa Barili dala ang iyang pamanhunon sa ilang reunion sa pamilya.

Si Renulfo gitawag ni Vicente ug nisulod sa ilang balay.

Sa pagbalik ni Renulfo, dunay nikayo sa iyang dughan ug natagak dayon nisunod ang sipang buto.

Nangaigo sila si Renulfo ug Vicente.

Wa dayon madala si Vicente sa ospital tungod kay nidagan sa kahadlok kay nagtuong gipamusil sila.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph