NAAY 1,327 ka klase sa variations nga openings sa chess. Usahay, ginganlan sa nag-imbento ani o ilang paborito Ruy Lopez, Alekhine, Najdorf, Nimzowitch, etc ug usahay sad mga lugar English,Sicilian, French, Berlin, etc.
Pero kahibawo ba mo nga daghang openings nga ginganlan sa mga mananap? Kadaghanan ani mga duwa-duwa lang pero naa say seriyoso ug paborito sa mga masters.
Ginganlan ni sa mga mananap kay pagtudlo ani sa mga bata malingaw ug ganahan sila.
Ang ilado nga mga maestro nga si Brian Wall ug Anthea Carson, kung motudlo ug elephant gambit sa mga bata, patindugon sila ug ilabyog ang ilang kamot pareha sa ilong sa elephant. Kung motudlo sad sila og orangutang ipasunod sad sa mga bata ang lihuk sa mga unggoy.
Ang libro nga Oxford Companion of Chess, gilista ang mga lihuk nga ginganlan sa mga mananap nga sobra sa 100. Dili tanan duwa-duwa lang. Naa say mga maayo.
Ang mga masters magtuon pud aning mga lihuk sa mga mananap para preparado sila kung gamiton sa ilang kontra.
Gusto ka moambak- ambak pareha sa kangaroo? Ibutang ang imo itom nga bishop gikan sa f8 hangtud b4. Ingon sila dili tinuod ang mga dragons kay imbento ra ni pero tinuod ni sa chess.
Mao ni ang pinaka maayong variation sa Sicilian nga naay 10 sub-variations ug pirme sad nako gamiton.
Si Stefan Bücker miyembento sad sa Vulture and Hawk sub –variations sa dragon nga gidayeg ni chess journalist ug correspondence expert Tim Harding.
Gusto nimo tuhikon ang imo kontra para mohilak? Gamita ang Pelican.
Ang Hippopotamus usa ka depensa, nga ang itom molihuk ra kutob sa 3rd rank ug dili sa 4th, unya i-develop ang mga piyesa sa likud sa mga pawns.
Ang Bullfrog gambit ilado sad ni sa ngalan Bronstein Gambit.
Ang lihuk nga g4 maka hinay sa development sa itom ug magsige nalang ug depensa ani kay makontrolar sa puti ang sentro.
Daghan sad nakagusto sa Clam variation kay epektibo ni kontra sa mga popular nga openings nga Sicilian, Caro- kann, Scandinavian, Pirc ug French.
Ang Crab opening, variation ni sa Ware opening gikan ni Preston Ware nga ilado nga moduwa ug mga talagsaon nga lihuk. Kadaghanan nga moduwa ani mga beginners. Makabati ni sa position sa puti.
Daghan pa kaayo- Giraffe, Porcupine, sp, Snake, Snail, Mosquito, Monkey, Rat, Lobster, Lizard, Kingfischer, Scorpion, Hawk, Halibut,
Black Mustang. Raptor, Fried Fox, Hedgehog, tortoise, Whale, Zebra, Wild Bull, Double Duck, Chameleon, Mad Dog, Medusa, Mongoose, Pterodactyl, Lemming ug uban pa.
boypestano@gmail.com,www.chessmoso.blogspot.com