Pingris moduwa na sa RP Gilas alang sa FIBA '15

NAUSAB ang hunahuna ni defensive specialist Marc Pingris ug nakahukom kining moduwa na sa Gilas Pilipinas alang sa 2015 FIBA Asia Championship kon mahatagan siya’g kahigayunan.

Pormal nga gianunsyo sa pambato sa Star Hotshots ang iyang desisyon ka­gahapon ug nipagawas kini’g opisyal nga pamahayag.

“Despite my earlier pronouncement not to join and give others a chance to play for the country, Purefoods management has asked me to reconsider my decision… I talked to my wife and we agreed,” ma­tod ni Pingris nga migawas sa taho sa InterAksyon.com.

“In the end, it was pride and honor in representing the Philippines that prevailed over me… I am grateful for management’s support and if the Philippine team still needs me, I promise to go all out for the country in the Fiba-Asia Championship as it aims to gain a slot in the Rio Olympics next year.”

Ang FIBA Asia Championship, nga maoy qualifying event alang sa 2016 Olym­pics, ipahigayon sugod karong Sep­tiyembre 23 sa China.

Niadtong Sabado atol sa ensayo sa Gilas, emosyunal nga nananghid si Pingris kang national coach Tab Baldwin nga dili siya moduwa sa team ning higayuna.

Gihimong mga rason ni Pingris ang iyang pamilya ug panglawas.

Si Pingris miyembro sa Gilas gikan pa niadtong 2013 ug natabangan niya ang team nga makalangkat og silver medal sa 2013 FIBA Asia Championship nga nagpa-qualify og balik sa nasod sa 2014 FIBA World Cup.

Si Pingris kinahanglan pang mag­huwat og mga usa ka semana inig balik sa national training pool gikan sa kampanya niini sa usa ka pocket tournament sa Estonia.

Usa si Pingris sa mga giingong adu­nay segurado untang luna sa Gilas apan ningbalibad sa managlahing rason. Ang uban mao sila si LA Tenorio ug Japeth Aguilar sa Brgy. Ginebra Gin Kings ug JuneMar Fajardo sa San Miguel Beermen.

Ang nangahisgutang mga magduduwa pulos sakop sa San Miguel franchise nga karibal sa MVP Group of Companies nga maoy nagsuporta sa Gilas.

Usa ka team executive sa San Mi­guel Corporation miklaro nga wala sila nagdili sa ilang mga magduduwa nga magpasakop sa Gilas.

Mao kini ang pamahayag ni Star Hotshots team governor Rene Pardo human sa desisyon ni Pingris nga mobalik og duwa sa Gilas.

“He will represent the country be­cause he wants to. We have no control over our players’ decision when it comes to competing for the national team. We do not deny that we debate on the merits of them joining as a professional player,” pamahayag ni Pardo.

“However, in the end re­presenting your country is an incomparable honor. You can’t argue with that.”

Nidugang si Pardo nga padayon nilang da­si­gon ang ilang mga mag­duduwa nga mo­­duwa sa na­tio­nal team kon ki­­na­hanglanon ang ilang ser­bisyo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph