Pulis nag-prenda sa iyang pusil kasuhan 

NASUTA na sa kapulisan nga ang pusil nga nakuha sa usa ka pusher gipanag-iya sa pulis nga nadestino sa Regional Police Holding and Accounting Office sa Police Regional Office (PRO) Davao. 

Kini ang gibutyag ni Police Senior Superintendent Aaron Aquino, deputy regional director for operation sa PRO Davao, atol sa AFP-PNP press conference Miyerkules.

Ang pulis mao si Police Officer 3 Eduardo Tumol, kinsa giingong nagprenda sa iyang pusil sa suspek nga si Aries Jimenez dela Victoria aron ipabayad sa tuition sa iyang anak.

"Kagabi ay ina-undergo natin si Tumol sa drug test, ang lumabas ay negative," matod ni Aquino, kinsa nagtuong wa misulod sa paggamit og druga si Tumol.

Dugang sa opisyal nga bugtong tuyo lamang ni Tumol mao ang pagprenda sa iyang pusil.

"Pero hindi pa rin siya makakawala kasi kakasuhan natin siya ng administrative cases," sulti ni Aquino.

Ang pulis mag-atubang og kasong grave misconduct ug malversation of government property.

Kahinumdoman, nakuha sa posisyon sa pusher ang pusil ni Tumol nga dunay serial number PNP48364 ug 11 ka mga buhing bala atol sa drug bust alas 5:00 sa hapon niadtong Lunes didto sa Barangay Sasa.

Hinuon, giangkon ni Tumol nga giprenda niya ang iyang pusil sa suspek.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph