Radaza mimando sa CHO sa pagsusi sa repacked bisquits

GITAHASAN ni Lapu-Lapu City Mayor Paz Radaza ang buhatan sa city health sa pagsusi sa gipamaligya nga repacked nga mga pagkaon sa merkado publiko ug niadtong mga gisuroy.

Kadagkuan sa Philippine Export Zone Authority (PEZA) miklaro nga way reklamo nga nadangat sa ilang buhatan labot sa kontrobersiya sa pagpamaligya og repacked nga biskwit.

Matod pa ni Radaza nga makig-alayon ang iyang buhatan sa administrator sa Mactan Export Processing Zone (MEPZ)1 sa barangay Pusok human gitaho ang naghitak nga pagpamaligya sa mga repacked nga biskwit nga gikatahong inangkat ra usab sa mga kawani.

“Ang office (City Health Office) ni Dr. (Rodolfo) Berame will look into it (repacked goods), kon unsa gyud ni,” matod ni Radaza atol sa regular press conference.

Samtang ang tigpamaba sa Peza Raymund Java nitataw nga way reklamo nga niabot sa ilang buhatan kalabot sa kamatayon sa dos anyos nga lalake nga matod pa nalanag human mikaon sa repacked nga biskwit ug wafer sticks. 

“Out na mi ana nga issue,” dason ni Java sa dihang nahinabi sa Sun.Star Superbalita.

Iya usab nga giklaro nga way locator sa Mepz nga naghimo og biskwit sukwahi sa nanggawas nga mga taho.

Nakugang ang publiko sa pagkalanag sa upat ka mga menor de edad sa barangay Punta Engaño, Lapu-Lapu City niadtong miaging semana samtang ang ikalimang biktima nga si Carl Jed Talingting namatay.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph