WALA pa’y desisyon ang executive department sa kagamhanan sa dakbayan sa Sugbo kon moduso og laing supplemental budget aron pagbayad sa utang sa kagamhanan ngadto sa Japan.
Kini human sa hangyo ni Konsehal Margarita Osmeña sa executive department nga moduso kini og laing Supplemental Budget karong tuiga para sa pagbayad sa amortization sa utang sa South Road Properties (SRP) ngadto sa Japan International Cooperative Agency (JICA).
Si City Adminsitrator Lucelle Mercado nagkanayon kagahapon nga nag-agad pa sila kang Cebu City Mayor Michael Rama kon mohimo ba og laing SB.
Matod ni Mercado nga aduna’y plano nga imbitahan sila sa Sangguniang Panglungsod aron pagahisgutan ang paggama og bag-ong SB apan wala pa sila makadawat og imbetasyon.
Si Osmeña sa iyang privilege speech nga ang iyang concern mao ang pagbayad sa amortization nga statutory obligation sa kagamhanan sa sugbo nga mobayad sa utang kaduha matag tuig.
Diin mo due na karong Pebrero 20 kun diin kinahanglan nga bayaran sa kagamhanan sa dakbyan sa sugbo ang P188 Milyones isip unang bayad para karong tuiga ug karong Agusto 20 kun diin adunay kinatibuk-an nga P375 Milyones.
Apan si Mayor Michael Rama isip pangulo sa Executive Department nagkanayon nga kahibalo na ang legislative kung unsa ang angayan nga buhaton.
Kini tungod kay buot lamang ni Rama nga dili lang ang amortization ang bayaran apan ang kinatibuk-an nga P2.3 Bilyones nga utang.
Apan nalangan ang pag aprobar sa SB-1 tungod sa kaso nga gipasaka ni Romulo Torres nga mao usab ang rason sa pag defer sa majority nga mymbro sa konseho.
Pasabot ni Rama nga kon buot gyud nga bayaran ang utang sa SRP dapat unta giaprobahan ang SB-1 diin buot sa executive department nga bayaran ang utang sa SRP.
Apan giklaro ni Osmeña nga dili niya buot kuhaon ang pagbayad gikan sa sa halin sa SRP.
Tug-an pa ni Osmeña nga adunay gigahin nga P1.5 Bilyones ang syudad alang sa Drainage Project apan wala kini mahilabti nga pwdi unta nga ibayad sa amortization.