LAIN na sab nga adlaw nga puno sa kasakit alang sa mga motorista ug pasahero sa Cebu City South District. Ang mga adlaw sa tingtrabaho kanunay nga kaluhaan ug kahasol gumikan sa problema sa trapiko nga taudtaud nang nasinati sa dakong bahin sa maong dapit.
Nagsugod ni sa usa ka pahibalo gikan sa Department of Public Works and Highways sa niaging tuig nga may trabahoon nga underpass sa eskina sa Natalio Bacalso Avenue ug dalan F. Llamas. Sa dihang gi-implimintar ang proyekto nagsugod sab ang dakong kalbaryo sa mga mag agian sa maong dapit.
Samtang nagkalapad ang trabaho nilapad sab ug maayo ang epekto sa problema sa trapiko. Karon lang bag-o nigrabe ug maayo ang maong problema. Bisan unsa na lang nga sulbad ang gihimo apan pakyas gihapon.
Matod sa mga tinugyanan sa trapiko sa ciudad gibuhat na nila kutob sa mahimo aron mogaan gaan ang problema. Sa akong tan-aw nisamot man hinuon. Sa una gasige ta ug hisgut nga trapik kaayo ang Banilad ug Talamban area nga gitawag nila ug BanTal. Wa ra sa buling sa koko ang maong problema itandi sa nahitabo karon sa Cebu City South.
Mosamot pa ning probliea unya’g sugod ug semento sa karsada diha aa may Highway Tagonol. Gisultian ko ni Councilor Dave Tumulak nga duna na’y winning bidder ang maong proyekto. Sa di madugay sugdan na kini sa pagtrabaho.
Sa ato pa lain na sab ni nga pas-anonon nga problema sa trapiko. Ipuno nimo sa karon nga sitwasyon naa pa kaha’y kabutangan sa mga sakyanan? Kanang naglihay sa Natalio unya nisud sa Cogon Pardo asa naman sab kaha ni sila padulong? Adto sa South Coastal Road dayon sa South Road Properties. Naa pa ba’y lain kapadulngan?
NEGOSYO
Gawas sa mga molopyo sa palibot nga nahasol ug maayo sa maong problema, ang grabing naapektuhan mao ang mga negosyo. Diha’y nagbantay ug laundry shop nga akong na-interview, ang itang giingon grabing pag-us-us sa ilang kita. Kinsa pa may ganahan magpalaba nga wa may kaagian ang sajyanan.
Matod niya anugon kaayo kadtong mga kustomer nga moparada sa ilang sakyanan sa atubangan unya magdala ug daghan kaayong labhanan. Gawas sa laundry puwerting mingawa sa ubang tindahan. Unya naa pa gyu’y abangan, kuryente ug tubig nga bayran matag bulan. Unsaon nalang.