SUMMER na sab! Ang uban, excited na nga irampa ang summer body, while ang uban mas prefer ang summer escapade nga chill and relaxing lang uban ang pamilya, friends, o ka-love life.
Sa nakalabay nga Sabado, naimbitahan ako, uban ang lain pang media nga i-experience ang Glamping sa Eden Nature Park and Resort.
So what is glamping? Halos sama kini og konsepto sa atong na-experience adtong miapil kita og camping sa boy scout o girl scout, but kini may twist!
Usa kini ka non-traditional way sa camping, diin ma-enjoy nimo ang mga amenities ug services sa resort, alang sa mas ultimate nimong summer experience.
Sa pakigtsikahan kang Brenda Ocampo, ang Sales and Marketing Director sa Eden Natura Park and Resort, siya nagkanayon nga it's a new concept nga buot nilang ipa-ila-ila sa mga Dabawenyo ug kadtong mga bisita dinhi.
"It's an ultimate upgrade of their summer experience especially to those who love camping and want to enjoy nature."
That night, nalingaw gayud ako, with my fellow media practitioners sa among glamping experience.
Aside sa lamiang pagkaon, barbeque nga manok o pork, sinugbang mais, popcorn, fresh salads, ug uban pa, enjoy sab ang tanan sa firedance performance sa dancer from Boracay.
Luyo niini, may dakong screen sab nga nakaset-up aron molantaw sa mga pelikula.
Pwede ka magplastar og banig sa ground, or mag-tent ug didto magmuni-muni while enjoying the cold weather.
Mikumpleto sa among glamping experience ang bonfire sa tunga, nga mihatag sab og warm feeling sa tanan tungod miduyog sab ang bugnaw nga huyuhoy sa hangin.
Aron masinati ang Glamping sa Eden, mag-book lamang og lawak sa resort, diin uban niini ang libre nga pamahaw ug access sa glamping.
Dugang ni Ocampo nga ang summer glamping masinati kada Sabado sa Abril ug Mayo, 6:00 p.m.
Don't end your summer escapade nga di ma-experience ang glamping uban ang inyong pamilya ug labidabs.
Adto lang sa Eden Nature Park and Resort sa Eden Bayabas, Toril, Davao City.