MANILA – Garbo alang ni Sunshine Cruz sa iyang mga anak tungod kay puro sila honor student ilabi na si Angelina nga gwapa kaayo og puwedeng mag-artista.
Sumala pa sa pretty mom nga iyang mga anak nakatutok sa ilang pagtuon og bisan unsay mahitabo iya jud kunong kamangon para makalampos sila sa ilang pagtungha.
Hangtud sa sunod semana na lang ang “Wildflower” diin usa sa mga cast si Sunshine, nga matod pa dili lalim ang separation anxiety nga iyang nabati karon.
Kini tungod kay sud sa usa ka tuig halos kada adlaw kauban niya sa taping sila si Maja Salvador, Aiko Melendez, Tirso Cruz III ug uban pang cast.
Dili lang si Sunshine ang nakabati og “separation anxiety” or “SepAnx” (ambot kon millennial term kini ) kay bisan sila si Aiko, Maja, Tirso ug uban pa mao say gibati.
Pero sa laing dapit, chance na kini ni Sunshine para ipatambal o ipa-opera ang iyang mga mata nga iyang gimulo dugay-dugay na gumikan sa trauma.
Aduna pay gipakitang picture si Sunshine (diin makitang ang iyang mata morag niluwa og ang usa miuk-ok) sa dihang nakatsikahan namo siyia kaniadtong usang adlaw sa 9501 Restaurant.
May nangutana kabahin sa iyang lovelife pero matud pa niya ang iya jud kuno karong priority ang iyang mga anak.
Pero pagdating naman sa lovelife, kung unsa man kuno ang makita sa iyang social media accounts og sa social media accounts sad sa lalaking nagpatibok sa iyang kasing-karing karon (si Mr. Mathay), “what you see is what you get,” matud pa ni Sunshine.
Usa si Sunshine sa mga artista nga bisan og edad-edaran na pero na-maintain ang beauty, ang kagwapa, ka-sexy, partida pa ha, kay may problema pa siya sa mata.
***
Sa mga nangutana kung kanus-a ang Star Awards For Music (kay napansin nila nga last year wa sila’y nadungog nga gi-held kini, well.... pasensiya na kamo tungod kay medyo may mga ina-ayos lang pero definitely sa Marso, ipahigayon kini sa Sheraton Hotel.
Pero ma-una ang Star Awards For Movies nga ipahigayon sa February 18 sa Resorts World.
Grabe, nabigla kami kay may date na so maong dire-diretso ang among screening gikan sa January og nagtapos niadtong Martes.
Ipagawas soon ang nominees og una kamong makahibaw niini pinaagi sa Grabe Na Ni.