PETMALU ang bongga.
Makalingaw ug makabusog nga Appreciation Party alang sa tanang newsboys/girls ug news dealers sa SunStar Publishing Inc., tigmantala sa Superbalita Cebu ug SunStar Cebu, nga gipahigayon sa Barangay Guadalupe Sports Complex sa dakbayan sa Sugbo niadtong Sabado sa gabii.
Ang sikat nga maglilindog nga si Papa Joe uban ni Karla Bermudo sa S Magasin mao ang host sa programa.
Unom ka mga dagkong dealer sa mantalaan nga sila si Junry Ano-os, Danny Encabo, Eduardo Sode, Randy Robles, Mark Sode, ug Bebot Robles tagsatagsa nga ninghatag og makalingaw nga presentasyon.
Daghang raffle draws nga dunay ganti.
Nagsalo ang tanan sa makabuhong nga pagkaon ang gidalit sa Circulation Department ubos sa pagpangulo ni Tony Onrejas, manager.
Niduyog usab sa party si Superbalita Cebu editor-in-chief Michelle So.
Gawas sa paghatag og sayong pinaskohan, ang party gituyo aron pag-ila sa dakong natampo sa newsboys/girls ug dealers sa paghimo nga numero uno sa SunStar Cebu ug Superbalita Cebu.
Ang mga mosunod nga hulagway kuha ni Alan Tangcawan. (RRM)