Super Bilib: Nagtuyok sa musika

"BISAN maabogado nako dili nako biyaan ang banda"

Kini ang gipadayag ni Johnley Menchavez Bayking, 25, fourth year college na sa iyang kurso nga Bachelor of Laws (LLb) sa Southwestern University Phinma, apan ang iyang kinabuhi nagtuyok gihapon sa musika.

Nahimo na siyang brodkas­ter, nisulod sa pulitika ug nag­­tabok­tabok og trabaho. Usa ra ang wa niya taliki, ang musika.

Si Bayking, natawo sa barangay Buanoy, Balamban ni­­adtong 1992 apan didto nag­tubo sa barangay Lutac sa dak­­­bayan sa Naga.

Siya adunay talagsaon nga matang sa pakigbisog. Siya anak ni Joseph Bayking ug Liberty Menchavez, kamaguwangan sa unom ka mga magsuon. Siy ni-graduate nga validectorian sa high school.

Gawas sa iyang pagka law student, nagtudlo usab siya sa College of Design+Communication sa SWU samtang nagpadayon sa iyang pagka-broadcaster sa sibyaanang dyCM.

Matag karon ug unya, a­­dunay moimbitar kaniya aron motukar sa mga okasyon sanglit usa usab siya ka bokalista sa iyang banda nga 13th Mass diin kamao usab siyang mogamit sa gitara, piano ug uban pa. Samtang siya nagtungha sa Cebu Institute of Technology-University ug ni-gra­duate niadtong 2012 sa kursong Bachelor of Arts in Mass Communication, napili siyang Technologian of the Year.

Sa samang tuig, nakatrabaho dayon siya isip news reporter sa Bombo Radyo Cebu ug ni-enroll sa College of Law sa SWU.

Si Bayking usa sa law student nga ipada sa SWU kon adunay mga kompetisyon sama sa moot court diin ilang ikabangga ang ubang mga eskwelahan.

Paglabay sa usa ka tuig, nibiya siya sa Bombo Radyo ug sa samang tuig nagpapili pagkakonsehal sa barangay Lutac ug nahimong number one councilor. Kay gimingaw na usab siya sa radyo, gikuha siya isip news reporter ug news anchor sa Brigada News Fm ni­adtong 2015 a­­­pan wala abti og usa ka tuig nibiya ra usab si Bayking.

Sa maong tu­­ig, nagdu­ngan ang iyang trabaho. Ni-apply siya pagkamagtutudlo sa SWU ug sa samang higayon gidawat usab siya isip call center agent nga kasamtangan pa niyang gitrabahoan.

Gipadayag ni Bayking nga taliwa sa kadaghan sa iyang kaakohan, dili niya mahimong biyaan ang banda sanglit mao kini ang naghatag kaniya og kalipay diin kadaghan na sila mahimong kampyon sa mga kompetisyon.

Gikan sa grade 6, nagsige na siya og apil sa banda ug nagsilbi usab siyang choir sa simbahan sa ilang siyudad hangtod karon. Sagad sa mga tawo nga nakaila ni Bayking nakapangutana kon giunsa niya pagdumala ang iyang oras ug nganong iyang nahimo ang matang sa gimbuhaton aron ugma damlag iyang makab-ot ang iyang pangandoy nga mahimong dekalibre nga abogado.

"Mind setting lang. Every break sa akong klase (tudlo ug pag-eskwela), matug ko. Sa call center, I maximize my lunch break. I do my task as barangay official during weekends," asoy ni Bayking kinsa mag-ulian kada adlaw gikan sa Cebu City paingon sa Naga.

Ang income ni Bayking maoy iyang gigasto sa iyang pag-eskwe­la, pagtabang sa iyang mga mang­hod ug ang pagpalit niya og musical instrument nga iyang gikahiligan.

Sa pagkakaron, na­ka­palit na siya og sound system para sa banda ug iya usab paa­bangan kon adunay gustong mo­gamit para sa mga espesyal nga okasyon.

Klaro nga sa iyang ki­nabuhi, musika ang iyang unang gugma.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph